எது முதலில்? இடம், காலம், சூழ்நிலை இவற்றிற்கு ஏற்ப வெவ்வேறு பணிகள் முன்னுரிமை பெருகின்றன.

வைகறை வெளிச்சம் நவம்பர் 2014 இதழ்

இடம், காலம், சூழ்நிலை இவற்றிற்கு ஏற்ப வெவ்வேறு பணிகள் முன்னுரிமை பெருகின்றன.

அதிமுக்கிய விடயம் ஒன்றை தெளிவுப்படுத்திட விரும்புகிறேன் இப்போது.பல்வேறு நன்மைகளில் எதை முதலில் செய்ய வேண்டும். எது சிறப்பான செயல் என்பதையெல்லாம் நாம் கூறி விடும்போது ஒன்றை நீங்கள் கவனிக்கத் தவறக் கூடாது.

முன்னுரிமை தரப்பட வேண்டியவை என்றும் மிகச் சிறப்பு வாய்ந்தவை என்றும் நாம் கூறி வருபவற்றில் பெரும்பாலானவை எல்லாக் கால கட்டத்துக்கும் எல்லா சூழ்நிலைகளுக்கும், எல்லா இடங்களுக்கும் எல்லா மனிதர்களுக்கும் பொதுவானவை என்று கருதிவிடாதீர்கள்.இடம், காலம், சூழ்நிலைகளுக்கு ஏற்ப நன்மைகளின் தரங்கள் மாறுகின்றன. 

இதுவரை நாம் பார்த்தவற்றில் பெரும்பாலானவை இப்படிப்பட்டவைதான். காலங்கள், தனிமனிதர்கள், பருவ மாறுதல்கள், இவைகள்தான் எவை சிறந்த செயல்கள் என்பதை தீர்மானிக்கின்றன. 

இதற்கு சில உதாரணங்களைத் தற்போது நாம் பார்ப்போம்.விவசாயம், சுயதொழில், வியாபாரம், இவற்றுள் எது ஏற்றமானது, அல்லாஹ்விடம் அதிக நன்மைகளை பெற்றுத் தருவது என்பதை முடிவு செய்வதில் அறிஞர்கள் மத்தியில் மாறுபட்டக் கருத்துகள் இருக்கின்றன.இவற்றின் சிறப்புகளை எடுத்துரைக்கும் நபிமொழிகள்தான் இவ்வாறான கருத்து வேறுபாடு எழுந்திடக் காரணமாக இருக்கின்றன.

பின் வரும் நபிமொழி விவசாயத்தின் சிறப்பைக் கூறுகிறது.`` யாரேனும் ஒரு முஸ்லிம் ஏதேனுமொரு செடியை நட்டு வைத்தாலோ அல்லது விவசாயம் செய்தாலோ அதிலிருந்து ஏதேனுமொரு பறவையோ மனிதனோ மிருகமோ சாப்பிட்டால் அது அந்த முஸ்லிமுக்கு தர்மத்தின் நன்மையத் தருகிறது ``( அறிவிப்பாளர் : அனஸ் (ரழி) நூல் : புஹாரி, முஸ்லிம் )

பின்வரும் நபிமொழி சுயதொழிலின் சிறப்பை எடுத்தியம்புகிறது.`` தன் சுய உழைப்பினால் [கிடைக்கும் வருமானத்திலிருந்து] உண்பவரை விட சிறந்த உணவை யாரும் உண்பதில்லை. இறைத்தூதர் தாவூது (அலை) அவர்கள் சுயதொழில் செய்து சாப்பிட்டு வந்தார்கள். ``( அறிவிப்பாளர் : மிகதாம் (ரழி) நூல் : அஹ்மது, புஹாரி )

பின்வரும் நபிமொழி வியாபாரத்தின் மேன்மையை விளக்குகிறது.`` நேர்மையான வியாபாரி மறுமையில் இறைத்தூதர்கள், வாய்மையாளர்கள், உயிர்த்தியாகிகளுடன் எழுப்பப்படுவார். `` (அறிவிப்பாளர் : அபூசயீத் (ரழி) நூல் : திர்மீதி )

இந்த நபிமொழிகளை முன் வைத்து அறிஞர்கள் இம்மூன்றில் எது ஏற்றமானது என்பதை முடிவு செய்வதில் மாறுபட்ட கருத்துக்களைக் கூறிவருகின்றனர்.தலை சிறந்த மார்க்க அறிஞர்கள் இப்படியெல்லாம் வரையறுப்பதில்லை. மாறாக, சமூகத்தின் தேவைகளுக்கு ஏற்பவே முடிவு செய்ய முடியும் எங்கின்றனர்.

அதாவது உணவுப் பொருள் கள் குறைந்து விடும்போது, அன்றாட உணவுக்கே சமுதாயம் அல்லல்படும்போது மற்றவைகளை விட விவசாயமே சிறந்தது. ஏனென்றால் உணவின்றி வாழ்வில்லை. நம் அருகிலிருக்கும் தீமைகளில் மிகக் கொடியது பசிதான்.

எனவே பசியிலிருந்து சமுதாயத்தைக் காப்பதும் அதன் உணவுத் தேவைகளைப் பூர்த்தி செய்வதும் இப்போதுள்ள சூழ்நிலைகளில் முன்னுரிமை தரப்படவேண்டியதாகும். இதில் ஏற்படும் இன்னல்களையும் இடர்ப்பாடுகளையும் இன்முகத்தோடு எதிர் கொண்டு சகிப்புத் தன்மையுடன் இதில் ஈடுபடுவது மிகச் சிறந்த சேவையாகும் எங்கின்றனர் அறிஞர்கள்.

உணவுப் பொருள்களின் உற்பத்தி அதிகமாகிவிட்டால் எல்லோரும் ஏதேனுமொரு விவசாயத்தில் ஈடுபட்டுவிட்டால் தொழில் துறையை நோக்கி சமுதாயத்தின் தேவை திரும்பும்.இப்போது (யூதர்கள், கிருத்துவர்கள், சிலை வணங்கிகள்) போன்ற மாற்றுக் கொள்கையுடையோரைச் சார்ந்திருக்கும் அவலம் போக்கிடவும் வேலை வாய்ப்பை பெருக்கிடவும் ( போர்க்கருவிகளை உற்பத்தி செய்வதன் மூலம் ) முஸ்லிம் சமுதாயத்தின் கண்ணியத்தையும்தன் அரசின் எல்லைகளை காத்திடவும் உற்பத்தித் துறையில் முஸ்லிம் சமுதாயம் தன்னிறைவு பெற்றிடவும் தொழில் துறைக்கு முன்னுரிமை தந்திட வேண்டும்.

விவசாயமும் தொழிலும் எங்கும் வியாபித்துவிட்டால் உற்பத்தி செய்யப்பட்ட பொருட்களையும் தானியங்களையும் ஒரு ஊரிலிருந்து மற்றொரு ஊருக்குக் கொண்டு செல்லும் தேவை ஏற்படும். இது உற்பத்தியாளார்களுக்கும், பணியாளர் களுக்கும் இடையே இருக்கவேண்டிய உறுதியான பாலம். இதை ஒரு வியாபாரிதான் செய்கிறார்.எந்த பொருள் மக்களுக்கு அதிகமாக தேவைப்படுமோ அந்தப் பொருளைப் பதுக்கி வைத்து கொள்ளை இலாபம் அடிக்கும் தீய நோக்கம் கொண்ட பேராசைக் காரர்கள் விற்பனைச் சந்தையில் ஆதிக்கம் செலுத்தும்போதும் சரக்குகளின் விலையை ஏற்றி இறக்கி விளையாடு வோர் சந்தையில் ஆதிக்கம் செலுத்தும் போதும் வியாபாரம் செய்வதே ஏற்றமானது.

குறிப்பாக கொடுக்கல் வாங்களுக்காக, வியாபாரத்துக்காக தடம் புரளாத நேர்மையாளர்கள் இதில் ஈடுபட வேண்டும். தர்மம் வழங்குதல், தொழுகையை நிலைநாட்டுதல், இறைவனைத் துதித்தல் என தமது அறப்பணிகளை உலக அற்ப செல்வங்களுக்காக புரக்கணிக்காத நல்லவர்கள் வியாபாரத்தில் ஈடுபடுவதற்கு முன்னுரிமை தரப்படவேண்டும்.

நாம் வாழும் இந்த காலம் தொழில் நுட்பப் புரட்சியின் காலம். டெக்னாலஜி, எனப்படும் தொழில் நுட்பம் உலகையே வளைத்துப்பிடித்துத் தன் கையில் வைத்திருக்கின்றது.நம் சமுதாயம் தொழில் நுட்பத்துறையில் முனைப்புடன் ஈடுபடுவது காலத்தின் கட்டாயம். இதில் நாம் பின் தங்கவோ பதுங்கவோ கூடாது. அறிவாயுதம் ஏந்தி களம் புக வேண்டும்.

அல்லாஹ் நமக்கு இஸ்லாத்தின் மூலம் கண்ணியம் தந்தான். பேரருள் புரிந்தான். இந்தப் பேரருளை உலகெங்கும் பரப்பிட இக்காலத்தில் இதுவே உகந்த வழி. முஸ்லிம் சமுதாயம் இது விடயத்தில் நிராயுத பாணியாகவே நிற்கிறது. பரிதாபம். பரிதாபம்.இஸ்லாத்தை பரப்பிடும் இலட்சியத்தை அடைந்திட தொழில் நுட்பத் துறையின் போதனை முறைகளில் நாம் படிப்படியாக முன்னேற வேண்டும். மற்றவர்களை விட நாமே இதில் முன்னணியிலிருக்க வேண்டும். இதற்கு தேவையான கல்விகளை கற்கவேண்டும்.இது இஸ்லாத்தில் அவசியத்திலும் அவசியம். காலத்தின் கட்டாயம். இது ஒரு மார்க்க கடமை.

குறிப்பாக கொடுக்கல் வாங்களுக்காக, வியாபாரத்துக்காக தடம் புரளாத நேரமையாளர்கள் இதில் ஈடுபட வேண்டும். தர்மம் வழங்குதல், தொழுகையை நிலைநாட்டுதல், இறைவனைத் துதித்தல் என தமது அறப்பணிகளை உலக அற்ப செல்வங்களுக்காக புரக்கணிக்காத நல்லவர்கள் வியாபாரத்தில் ஈடுபடுவதற்கு முன்னிரிமை தரவேண்டும்.

தமிழ் வடிவம் : கே.எம். இல்யாஸ் ரியாஜி.

முஸ்லிம்களின் வீழ்ச்சியால் உலகம் இழந்தது என்ன? இந்திய சமுதாய சீரமைப்பில் இஸ்லாத்தின் பங்கு!

நவம்பர் 2014

தொடர் = 34

இந்திய சமுதாய சீரமைப்பில் இஸ்லாத்தின் பங்கு!

அபுல் ஹசன் அலீ நத்வீ

கிலாஃபத்தை வீழ்த்திய முஸ்லிம் பெயர்தாங்கி முஸ்தபா கமால் அதாஅல் துர்க்

மொழிபெயர்ப்பு : அஹ்மது ஜலாலுத்தீன் நத்வீ.

இஸ்லாம் வென்ற பிறகு கிருஸ்த்துவத்தை தனது மார்க்கமாகக் கொண்ட ஐரோப்பாவிலும், சிலை வணக்கத்தை மதமாகக் கொண்டிருந்த இந்தியாவிலும் இஸ்லாம் அறிவுப் புரட்சியை ஏற்படுத்தியது.இவ்விரு பகுதிகளில் உள்ள மக்களின் வாழ்க்கை வழிமுறைகளிலும் பண்பாடுகளிலும் சமூக கலாச்சாரத்திலும் பெரும் சீர்த்திருத்தங்கள் ஏற்பட இஸ்லாமே காரணம். [Source : Infulenc of Islam on Indian Culture. By : Dr.Tarachand]

கலீஃபா அப்துல் மசீத் 2

ஓரிறைக் கோட்பாட்டின் பக்கம் மக்களைத் திருப்பியது இஸ்லாம். பெண்களுக்கு மரியாதையும், உரிமைகளையும் கிடைத்திட இஸ்லாம் காரணமாக இருந்தது. மனிதர்களிடையே ஏற்றத் தாழ்வுகள் எதுவும் இல்லை. அனைவரும் சமமே என்ற பிரகடனம் நிலை பெற்றதில் இஸ்லாத்தின் பங்கு மிக முக்கியம்.ஷரியத் எனப்படும் இஸ்லாமிய வாழ்க்கை நெறியும் அதன் நாகரிகமும் உலகத்துக்கு அறிமுகப்படுத்திய எல்ல சீர்த்திருத்தங்களும் மக்களை வந்தடைந்தன.

வரலாற்று ஆய்வாளர் கே.எம். பணிக்கர். இவர் இந்திய தூதராக எகிப்தில் பணியாற்றியவர். இந்திய மக்களின் சிந்தனையிலும் இந்து மதத்திலும் இஸ்லாத்தின் ஏகத்துவக் கோட்பாடு எப்படிப்பட்ட சீர் திருத்தங்களை ஏற்படுத்தியது என்பதை எடுத்துரைக்கின்றார்.இஸ்லாம் இந்தியாவிற்கு வந்திருந்த காலக்கட்டங்களில் இந்து மதத்தில் அது சீர் திருத்தங்களை ஏற்படுத்தியது மறுக்க இயலாத உண்மை. இந்து மதத்தில் ஓரிறைச் சிந்தனை ஏற்பட்டது இஸ்லாத்தின் தாக்கத்தினால் ஏற்பட்டதே.இந்து மதத்தின் தலைவர்களும் சிந்தனையாளர்களும் தம் கடவுள்களுக்கு பல்வேறு பெயர்களை சூட்டிக் கொண்டாலும் கூட வணங்கிட தகுதியுள்ள இறைவன் ஒருவனே! அவனே வெற்றியும், மீட்பும் தர வல்லவன் என்று அவர்கள் தெள்ளத்தெளிவாக கூறினர்.

இந்தியாவில் இஸ்லாமிய ஆட்சி நிலவிய போது உருவான மதங்கள், கொள்கைகளில் இஸ்லாம் ஏற்படுத்திய ஓரிறைக் கோட்பாட்டின் தாக்கம் இருந்தது. பக்தி மார்க்கம் மற்றும் கபீர்தாஸ் - ன் சீர்திருத்த இயக்கம் ஆகியவற்றை இதற்கு உதாரணமாகக் குறிப்பிடலாம். [Source : A survey Of Indian History. P.132] 

இந்தியாவின் முன்னாள் பிரதமர் ஜவஹர்லால் நேரு கூறுகிறார். " வடமேற்கு இந்தியா வழி முஸ்லிம் போராளிகள் இந்தியாவுக்குள் வந்ததும் இந்தியாவிற்கு இஸ்லாம் வந்ததும் இந்திய வரலாற்றில் அதிமுக்கிய நிகழ்வு. இந்து சமுகத்தில் வியாபித்திருந்த சீர்கேடுகளை வெறுத்தது இஸ்லாம். பிறப்பினால் வரும் ஏற்றத்தாழ்வுகள், தீண்டாமை, சாதிக்கூறுகள் இவற்றை இஸ்லாம் எதிர்த்தது. உலக வாழ்வை வெறுக்கும் துற்வுக் கோட்பாடு இந்தியாவில் பரவியிருந்தது. இதையும் கண்டித்தது இஸ்லாம்.

"இந்தியா இப்படி இருந்த போது இஸ்லாம் தந்த சகோதரத்துவம், சமத்துவம் இவற்றில் முஸ்லிம்கள் இளைப்பாறிக் கொண்டிருந்தார்கள். இது இந்துக்களின் சிந்தனையில் ஆழமான தாக்கத்தை ஏற்படுத்தியது. மனிதனின் அடிப்படை உரிமைகள் கூட மறுக்கப்பட்டு இந்தியாவில் வாழ்ந்து வந்த ஒடுக்கப்பட்ட சமுதாயத்தின் மக்கள், சமத்துவம் மறுக்கப்பட்ட சமுதாயத்தினர் இஸ்லாத்தை ஏற்று இஸ்லாம் தந்த பலனை அனுபவித்தார்கள் " [Source : Discovery Of India]

நமது காலத்து அறிஞர் என்.சி.மேத்தா அவர்கள் தனது " இந்தியக் கலாச்சாரமும் இஸ்லாமும் " எனும் நூலில் கூறுகிறார்." பண்டைய நாகரிகங்கள் வீழ்ச்சிக்கும் சரிவுக்கும் ஆளாகி நின்ற நேரத்தில் இந்திய மக்களின் வாழ்வைக் கவ்விப் பிடித்திருந்த இருள்களைக் கிழித்திடும் இஸ்லாம் ஒளிவெள்ளமாய் இந்தியாவுக்குள் வந்தது. தெள்ளத் தெளிவான அதன் இலட்சியங்கள் இந்திய மக்களின் சிந்தனைகளின் உறுதியாக இடம் பிடித்தன. அரசியல் களத்தில் இஸ்லாம் பெற்ற வெற்றிகளை விட சிந்தனைத் தளத்தில் அது பெற்ற வெற்றி பெரியது. மகத்தானது. 

இது இந்தியாவில் மாத்திரமல்ல. இஸ்லாம் புகுந்த எந்த நாடுகளிலும் இப்படிப்பட்ட வெற்றிகளையே அது பெற்றது. "இந்தியாவில் இஸ்லாத்தின் வரலாறு அதன் அரசாங்கத்தோடு பின்னிப் பிணைந்தது. எனவே சத்திய இஸ்லாத்தின் மெய் வடிவம் எவருக்கும் தெரியாமல் மறைக்கப்பட்டே இருக்கிறது. மனித குலத்திற்கு அது வழங்கிய உபகாரங்களும் அன்பளிப்புகளும் மனித பார்வைகளில் இருந்து மறைந்தே போய் விட்டது. இது நமக்கு ஒரு துரதிருஷ்டம்தாம் " [Source ; Indian civilization and ISlam ]

இன்றைய உலகில் வனப்போடு வாழ்ந்துக் கொண்டிருக்கும் எந்த ஒரு கொள்கையும் எந்த ஒரு நாகரிகமும் இஸ்லாத்திடமிருந்தும் முஸ்லிம் களிடமிருந்தும் சிறியதாகவோ பெரியதாகவோ எந்த பலனையும் அடைந்திடவில்லை என்று கூறிட இயலுமா? இயலவே இயலாது.

அறிஞர் ராபர்ட் பிரிஃபால்ட் அவர்கள் கூருகிறார் :" முன்னேறிய ஐரோப்பாவின் எந்தப் பகுதியை எடுத்துக் கொண்டாலும் அதில் இஸ்லாமிய நாகரிகத்துக்கு பெரும் பங்கு இருக்கிறது. இஸ்லாம் தந்த சீர் திருத்தத்தின் விளைவாகவே அது ஏற்பட்டிருக்கிறது. "[ Source : The Macking Of humanity.P.190 ]

அதே நூலில் மற்றொரு இடத்தில் அவர் இப்படி கூறுகிறார் : " அரபு மக்களின் பெருமைமிகு கல்விகளுள் ஒன்றான இயற்பியல்தான் ஐரோப்பாவிற்க்கு மறுவாழ்வைத் தந்தது என்றில்லை இஸ்லாம் தன் ஒளிச்சுடரை ஐரோப்பாவிற்குள் பாய்ச்சிய நாள்தொட்டே எல்லாத் துறைகளிலும் அது ஏராளமான சீர்த்திருத்தங்களை ஏற்படுத்தியுள்ளது. " [Source : The Macking Of humanity.P.202 ] 

இப்படியே போய்க் கொண்டிருந்தால் நன்றாகத்தான் இருந்திருக்கும். ஆம் நதிகளை அதன் போக்கிலேயே ஓடவிட்டால் அதன் அழகே தனிதான். அல்லவா? வில்லைத் தயாரித்தவனிடமே கொடுத்து அதை பயன்படுத்திடச் சொன்னால் என்ன அருமையாக அதை அவன் பயன்படுத்துவான் அல்லவா?இதுபோல மனித குலத்தை வழி நடத்துவதற்காகவே படைக்கப்பட்ட முஸ்லிம் சமுதாயத்திடமே உலகத்தலைமை இருந்திருந்தால் மனித குலம் எல்லாமும் பெற்று பெருவாழ்வு வாழ்ந்திருக்கும். மனித குலத்தின் வரலாறு சோதனைகளாலும் வேதனைகளாலும் அதிர்ச்சிகளாலும் சூழப்பட்டு இருக்கிறதே இப்போது! இப்படியா இருந்திருக்கும் முஸ்லிம்கள் உலகத்தலைமை ஏற்றிருந்தால்?

இப்போது நாம் படித்துக் கொண்டிருக்கிறோமே அப்படி இருந்திருக்காது மனித வரலாறு. மனித வரலாறு அழகு மிளிரும் பேரும் புகழும் பெற்றுத் திகழும். எல்லோருக்கும் எல்லாமும் கிடைத்திருக்கும். அனைவரும் கண்ணும் கருத்தும் குளிர வாழ்ந்திருப்பார்கள். என்ன செய்ய? யாரைக் குறை சொல்ல முடியும்? விதி வேறுமாதிரியல்லவா? அமைந்துவிட்டது. ஆம் முஸ்லிம்களிடத்திலேயே வீழ்ச்சி ஏற்பட ஆரம்பித்தது.......

தொடரும்......

தமிழ் வடிவம் : கே.எம். இல்யாஸ் ரியாஜி.

உண்மை விளம்பி சுத்திர தீப் சக்கரவர்த்தி மரணம்!

சுப்ரதீப் சக்ரவர்த்தி

சுத்திர தீப் சக்கரவர்த்தி ஒரு சிறந்த பத்திரிக்கையாளர். கோத்ராவில் 2002ஆம் ஆண்டு நடந்த இரயில் எரிப்பை மையப்படுத்தித்தான் குஜராத் 2002 இனப்படுகொலைகளை சங்கப்பரிவாரம் நடத்திக்காட்டிற்று. அதற்கு இனப்படுகொலை புகழ் நரேந்திர மோடி தலைமை தாங்கினார். இதனை 2002 குஜராத் இனப்படுகொலை என்றும், மோடியின் மனித இனத்திற்கெதிரான குற்றம் என்றும் உலகெங்கும் அழைக்கிறார்கள்.

இந்த இனப்படுகொலைகளுக்காக மோடியை சட்டத்தின் முன் நிறுத்தி சிறையில் அடைக்கலாம் என ஏ.ஜி. நூரானி என்ற மூத்த வழக்கறிஞரும், பிரபலமான பத்திரிக்கையாளரும் தொடர்ந்து வாதிட்டு வருகின்றார்.ஆனால் ஜனநாயகம் எனும் கபடநாடகத்தில் சிறையிலிருக்க வேண்டிய மோடி சிம்மாசனத்தில் இருக்கின்றார். 

குஜராத்தில் 20,000 முஸ்லிம்களை கொலை செய்யப்பட்ட மொத்த நிகழ்விற்கும் குஜராத்தில் கோத்ரா என்ற இடத்தில் உள்ள இரயில் நிலையத்தைத்தான் காரணம் காட்டினார்கள்.இந்த இரயில் நிலையத்திலிருந்து சற்று வெளியேதான் சபர்பதி எக்ஸ்பிரஸ் என்ற இரயிலின் இரண்டு பெட்டிகள் எரிக்கப்பட்டன. இந்த இரயில் பெட்டிகளை கொளுத்தியதாக முஸ்லிம்கள் மேல் பழி. படுகொலைகள். 

ஆனால் இரயில் பெட்டிகள் எரிந்தது உள்ளிருப்பு என்பது பின்னர் தெரியவந்தது. இதனை மிகவும் ஆதாரப்பூர்வமான ஆவணப்படமாக தயார் செய்தவர் சுத்திர தீப் சக்கரவர்த்தி.அதில் வெளியிலிருந்து இரயில் பெட்டியை நோக்கி பெட்ரோலை வீசி இருக்கவியலாது ஏனெனில் இரயில் பெட்டியில் தீப்பிடித்து எரிந்த இடம் மிகவும் மேடானது. ஒரு மலை முகட்டின் மேல் நின்றுக் கொண்டிருந்த இரயில் பெட்டியின் மீது கீழிருந்து யாரும் பெட் ரோலை ஊற்றி இருக்கவியலாது என்பதை ஆணித்தரமாக படக் காட்சிகளின் மூலம் நிருபித்தார்.

சுத்திர தீப் சக்கரவர்த்தியின் ஆவணப்படத்தை பார்த்தவர்கள் கோத்ரா இரயில் பெட்டி எரிப்பு என்பது ஒரு போலி நாடகம் என்பதை புரிந்துக் கொண்டார்கள்.இதில் சுத்திர தீப் சக்கரவத்தியிடம் பாராட்ட வேண்டிய விவகாரம் என்னவென்றால், அவர் இந்த ஆவணப்படத்தை மோடியின் ஆட்சியின் போதே குஜராத்தில் உள்ள அஹமதாபாத்தில் திரையிட்டுக் காட்டினார். தங்களுடைய சதித்திட்டமும், உண்மையும் உலகமக்களுக்குத் தெரிந்திட வந்ததைக் கண்டு, ஆத்திரமடைந்த சங்கபரிவாரத்தினர் - அதாவது மோடியின் வகையறாக்கள் அவரை தாக்கினார்கள். இரத்தம் சிந்த வைத்தார்கள். அவருடைய திரைப்பட கருவிகளை உடைத்தெரிந்தார்கள்.அத்தனையையும் தாங்கினார் சுத்திர தீப் சக்கரவர்த்தி. ஆனாலும் தனது முயற்சியை கைவிடவில்லை. தனது ஆவணப்படத்தை நாட்டின் முக்கியத் தலை நகரங்களிலெல்லாம் வெளியிட்டுக்கொண்டே வந்தார். அப்போது அவர் சென்னை வந்திருந்த போது நாம் அவரை வரவேற்று, சிறியதொரு நிதி உதவியையும் செய்தோம். அவருடைய பேட்டி ஒன்றும் நம்முடைய பத்திரிக்கையில் வெளிவந்திருந்தது.

பின்னர் உலகின் பல அரங்கங்களிலும் இந்த ஆவணப்படத்தை வெளியிட்டார் சுத்திரதீப் சக்கரவர்த்தி அவர்கள்.இவர் கோத்ராவில் நடந்த இரயில் எரிப்பு பற்றிய மாற்றுச் சிந்தனையை ஏற்படுத்திய பின்னர், சங்கபரிவாரத்தின் உண்மை முகம் உலகுக்கு வெளிச்சமானது. தொடர்ந்து லல்லுபிராசத் அவர்கள், நீதி, Î.C..பானர்ஜி அவர்களின் தலைமையில் விசாரணை கமிஷன் ஒன்றை நியமித்தார்கள்.

அந்த கமிஷன் " இரயில் பெட்டியின் உள்ளேயிருந்துதான் தீப்பிடித்திருக்கின்றது. அது வெளியே உள்ளவர்களின் வேலை அல்ல. " என்பதை வெளிப்படுத்தியது.இதற்கு முன்னால் டெல்லியில் ஒரு இரயிலில் இதே போல் தீப்பிடித்திருக்கின்றது, என்பதையெல்லாம் சுட்டிக்காட்டி முஸ்லிம்களுக்கும், கோத்ரா இரயில் நிலையத்திற்கு அருகாமையில் நடந்த இரயில் பெட்டி எரிப்பிற்கும், எந்த சம்பந்தமுமில்லை என்பதை தெளிவுப்படுத்தினார். 

ஆனால் இந்த கமிஷனின் அறிக்கை வெளியே வந்து விடாமல் தடுத்து விட்டார்கள். மோடிப்பேரவையாக இயங்கிய குஜராத் நீதி மன்றங்கள் அதை மறுத்து விட்டன. இத்தனையையும் இவருடைய " கோத்ர அட்டாக் " [gotra attack] எனும் ஆவணப்படம் சாதித்துக் காட்டியது. ஆனால் இரயில் பெட்டிகளில் தீவைத்தது, அதில் பயணம் செய்த கரசேவகர்களா என்பதை பற்றி ஆய்வு செய்திட அனுமதிக்கவில்லை அதிகார வர்க்கத்தினர். 

எதிர் தாக்குதல்கள்இந்தியாவில் முஸ்லிம்களை குறிப்பாக முஸ்லிம் இளைஞர்களைக் கொலை செய்தால் அதைக் காவல் துறை அதிகாரிகள் செய்தால் அவர்களுக்கு பதவி உயர்வும், பதக்கங்களும், பாராட்டுக்களும் கிடைக்கும். இப்படி பல இளைஞர்கள் குஜராத்திலும், டெல்லியிலும், இப்போது தமிழகத்திலும் கொலை செய்யப்படுக்கின்றார்கள். இவற்றிற்கு எதிர் தாக்குதல் என்று பெயர். இந்த அநீதிகளுக்கு எதிராக ஆவணப்படங்களை தயாரித்தார்கள் சுத்திர தீப் சக்கரவர்த்தி அவர்கள். 

அந்த ஆவணப்படத்தின் குறுந்தகடுகளை விநியோகிப்பதிலும் தாருல் இஸ்லாம் தனது பங்களிப்புகளை தாராளமாக தந்தது. அந்த ஆவணப்படத்திற்கு காவிகளுக்காக நடக்கும் எதிர் தாக்குதல் என்ற கொலைகள் என்று பெயர் வைத்திருந்தார்.

வழக்கறிஞர்கள் கொலை இந்திய தீவிரவாதத்தின் ஊற்றுக்கண் மராட்டிய மாநிலம்தான். இங்கே உள்ள சித்பவன் எனும் இடத்திலிருந்துதான் அத்தனை சங்கப் பரிவார பாசிஸ்ட்டுகளும் பெருக்கெடுத்து வருகின்றார்கள். விடுதலையடைந்த இந்தியாவின் முதல் தீவிரவாதி கோட்சே, பாபரி மஸ்ஜித்தை இடிக்க வகை செய்து தந்த தீவிரவாதி நரசிம்மராவ் ( இவர் 1991 முதல் 1996 வரை இந்தியாவின் பிரதமராகவும் இருந்தார்) இவர்களையும் மும்பைத் தாக்குதலை நடத்திய அபிநவ் பாரத் என்ற இந்துத்துவ அமைப்பையும், சிவசேனா என்ற அமைப்பையும் தந்த மாநிலம் மராட்டிய மாநிலம்.

இப்படி பாசிசத்தின் பிறப்பிடமாகிய மராட்டிய மாநிலத்தில் இன்னொரு தீவிரவாதம் தொடங்கியது. அது அப்பாவி முஸ்லிம்களுக்காக வாதாடும் முஸ்லிம் வழக்கறிஞர்களை சுட்டு கொலை செய்தது. மும்பையில் மஜீத் மேமன் என்ற வழக்கறிஞர் மும்பையில் பல்வேறு குண்டுவெடிப்புகளில் ஈடுபட்டதாக குற்றம் சாட்டப்பட்ட அப்பாவி முஸ்லிம்களுக்காக தானாக முன்வந்து வழக்காடினார். 

அவரை கொல்வதற்காக துப்பாக்கியால் சுட்டார்கள். அவருடைய மெய்க்காப்பாளர் அந்த துப்பாக்கிக் குண்டை தன் மார்பில் வாங்கி ஷஹீதானார். மேமன் உயிர்த் தப்பினார். ( இன்னா லில்லாஹி வ இன்னா அலைஹி ராஜிவூன் - இறைவனிடமிருந்தே வந்தோம் அவனிடமே மீளூவோம் ).

அதே போல் பல அப்பாவி முஸ்லிம்களுக்காக வாதாடி அவர்களை சிறையிலிருந்து மீட்டவர் ஷஹீத் அப்பாஸ் ஹாஸ்மி. அவர் மீது சரமாரியாக குண்டு மழையைப் பொழிந்து கொலை செய்தார்கள். சங்கப்பரிவாரத்தினர். இவற்றையெல்லாம் ஒன்றிணைத்து ஓர் ஆவணப்படத்தைத் தயார் செய்தார் சுத்திர தீப் சக்கரவர்த்தி!  அதற்கு " நீதிமன்றத்திற்கு வெளியே முடிந்த தீர்ப்புகள் " () என பெயர் வைத்து ஆவணப்படம் ஒன்றைத் தயார் செய்தார். சங்கப்பரிவாரத்தின் வெறியாட்டங்களை உலகறிய செய்தார்.

துப்பாக்கி குண்டுகளுக்கு பலியான ஷாஹித் ஆஸ்மி

"குற்றமற்றவர்கள்" நீதிமன்றங்கள்நமது மத்திய உளவுத்துறை அதன் கட்டுப்பாட்டில் இயங்கிடும் காவல்துறையினர் இவர்களையெல்லாம் முஸ்லிம் இளைஞர்களின் வாழ்வையும், அதன் மூலம், அவர்களைச் சார்ந்து வாழும் பெற்றோர்களையும் சின்னாப் பின்னமாக்கி சீரழித்து வரு கின்றார்கள். இதற்கு அவர்கள் கையாளும் தந்திரங்களுள் ஒன்று ஓர் இளைஞனைப் பிடித்து நாடெல்லாம் ந்டக்கும் குண்டு வெடிப்புகளுக்கு இவர்களே காரணம் என்று குற்றப்பத்திரிக்கையில் கூறிவிடுவார்கள்.இதனால் இந்த இளைஞர்கள் நாடெங்கும் உள்ள நீதிமன்றங்களில், வழக்குகளை நடத்தி தங்களை விடுவித்திட வேண்டிய இமாலயப் பொறுப்பை சுமக்கிறார்கள். 

பெரும்பாலும் நமது தாய்மார்கள் தான் இந்தப் பெரும் பொறுப்பை சுமக்கிறார்கள். இவர்கள் அனைத்து வழக்குகளிலிருந்தும் விடுவிக்கப்பட்டாலும் அவர்களை குற்ற வாளிகள் என்றும், தீவிரவாதிகள் என்றும் தான் உளவுத்துறையும், காவல் துறையும் பார்க்கிறது. விடுதலை அடைந்தவர்களை வேறு ஏதேனும் வழக்குகளில் இணைத்திட தொடர்ந்து பாடுபட்டு வருகிறார்கள். இதையெல்லாம் மக்கள் மன்றத்தில் கொண்டுவந்திட ஓர் ஆவணப்படத்தைத் தயார் செய்தார் சுத்திர தீப் சக்கர வர்த்தி. அதற்கு " புயலுக்குப் பின் அமைதி இல்லை " என்ற பெயரில் வெளியிட்டார். 

முசாபர் நகர் அநீதி[உத்திரப்பிரதேசம்]உத்திரப்பிரதேசத்தில் 130 கலவரங்களை நடத்தி 72 நாடாளுமன்ற தொகுதிகளை கைப்பற்றினார்கள் பாசிச பரிவாராத்தினர்.இதில் மிகப்பெரிய படுகொலையாக நடந்தது முசாபர் நகர் கலவரம். அங்கே வாழ்ந்த முஸ்லிம்கள் வீடுகளிலிருந்து வெளியேற்றப் பட்டார்கள்.அவ்வாறு வெளியேற்றப் பட்டவர்களின் எண்ணிக்கை அகதிகள் முகாம்களில் 63,000 பேர் என முடிந்தது. முஸ்லிம்கள் இஸ்லாத்திலிருந்து வெளியேறினால்தான் மீண்டும் அவர்கள் தங்கள் இல்லங்களுக்குச் செல்ல முடியும் என்ற நிலை. ஆனால் முஸ்லிம்கள் இஸ்லாத்திலிருந்து வெளியேறிட முடியாது என்று கூறிவிட்டார்கள்.

அதனால் அவர்கள் தங்கள் சொந்த இல்லங்களுக்கும், வீடுகளுக்கும் திரும்பிட இயலவில்லை.முஸ்லிம்கள் ஐந்து இலட்சம் ரூபாயை பெற்றுக் கொள்ளலாம். ஆனால் தங்கள் இல்லங்களுக்குச் சென்றிடக் கூடாது. என முலாயம் சிங் - இன் அரசு எழுதி வாங்கியது. விடுதலையடைந்த இந்தியாவில் இதனையத்ததோர் கோர நிகழ்வு நடந்ததே இல்லை. 

இந்த முலாயம் சிங் - இன் அரசுக்குத்தான் முஸ்லிம்கள் சட்டசபை தேர்தலில் தங்கள் வாக்குகளை அள்ளித் தந்தார்கள்.அடுத்து முலாயம் சிங் - இன் சார்பில் உத்திரப்பிரதேசத்தில் ஆட்சி நடத்தும் அகிலேஷ் யாதவ், "144" ஊரடங்கு உத்தரவு செயலிலிருக்கும் போதே சங்கப்பரிவாரம். ஒரு லட்சம் இந்துத் தீவிரவாதிகளை ஒன்று திரட்டி வகுப்புக் கலவரங்களை நடத்தி முடித்தார்கள். அகதிகளாகவும் ஆனார்கள் முஸ்லிம்கள். 

அந்த அகதிகள் முகாம்களில் கூட நிம்மதியாக வாழ்ந்திட விடவில்லை அகிலேஷ் யாதவ். அகதிகள் முகாம்கள் தனது அரசுக்கு அவமானமாகவும் உலக அளவில் நெருக்கடிகள் வருவதாகவும் கூறினார். முஸ்லிம்கள் அனைவரும் உடனே அகதிகள் முகாம்களைக் காலிசெய்துவிட்டு வெளியேறிட வேண்டும் என்றார். மாற்று ஏற்பாடுகள் எதையும் செய்யவில்லை.அகதிகள் முகாம்களிலிருந்தும் விரட்டப்பட்ட முஸ்லிம்கள் வக்ஃப் போர்டுக்குச் சொந்தமான இடங்களில் சென்று தங்கினார்கள். அவையெல்லாம் அரசாங்க இடம் என்றும், அவற்றில் தங்கி இருப்பதின் மூலம் அவர்கள் அரசாங்க இடத்தை ஆக்கிரமித்து விட்டார்கள் என்றும் வழக்குகளை பதிவு செய்தார்கள். இதுதான் கஷ்டங்களிலும், நஷ்டங்களிலும் தங்களது கட்சிக்கு வாக்களித்த முஸ்லிம்களுக்கு தந்த சன்மானம். 

இந்த உத்திரப்பிரதேச சட்டமன்றத்தில் 69 முஸ்லிம் சட்டமன்ற உறுப்பினர்கள் சடலங்களாக வீற்றிருக்கின்றார்கள்.ஜனநாயகம்! அதிகமான சட்டசபை இடங்கள் இவையெல்லாம் அகதிகள் முகாம்களில் கூட உதவி செய்யாது.என்பதன் நிதர்சனமான எடுத்துக்காட்டுதான் உத்திரபிரதேசமும் முசாபர் நகர்களும். இவற்றையெல்லாம் ஆவணப்படமாக்கினார் சுத்திர தீப் சக்கரவர்த்தி....ஆனால் மத்திய அரசின் அனுமதி கிடைக்கவில்லை.இந்த ஆவணப்படம் வெளிவராத நிலையில் தனது 42 வது வயதில் மூளையில் ஏற்பட்ட பாதிப்பால் ஆகஸ்ட் 25 ஆம் நாள் 2014 மரணமடைந்தார்கள். சுத்திர தீப் சக்கரவர்த்தி. அடுக்கடுக்கான அநீதிகளுக்கு ஆளாகி நிற்கும், முஸ்லிம்களின் அவலங்களை மக்கள் மன்றத்திற்கு தந்துக் கொண்டிருந்த விளக்கு அணைந்தது.-எம்.ஜி.எம்.

மேற்குவங்கம் பர்துவான் குண்டுவெடிப்புகிரிமினல்களின் கைவண்ணம்.

பாரதீய ஜனதா கட்சி தேர்தகள் வரும் இடங்களில் கலவரமே எங்கள் வழி என்பதை நிரூபித்து வருகின்றது. ஓட்டுக்காக குண்டுவெடிப்பையும் நடத்திட இவை தயங்குவதில்லை. பாட்னாவில் வைத்த குண்டுகள்தாம் பீகாரிலும், ஆந்திராவிலும் அவர்களுக்கு பலன்களை பெற்றுத் தந்துள்ளது.2006 - இல் மேற்கு வங்கத்தில் பர்துவான் எனும் இடத்தில் குண்டு ஒன்று வெடித்தது. அது குண்டுகளைத் தயாரித்து கொண்டிருந்தவர்களின் வியாபார இடம். குண்டுகளை தயாரித்துக் கொண்டிருந்தவர்கள், குண்டு வெடிப்பில் உயிரை இழந்தவர்கள் என அத்தனை பேரும் முஸ்லிம்கள். இது பாரதீய ஜனதா கட்சியை மேற்கு வங்கத்தில் வளர்க்க வழிதெரியாமல் அல்லாடிக் கொண்டிருந்தவர்களுக்கு அழகான வாய்ப்பாகப் போனது.குண்டுகள் வெடித்த உடனேயே வங்காளதேச தீவிரவாதம் இந்தியாவுக்குள் பாய்ந்து வந்துவிட்டது எனக்கூப்பாடு போட்டு அரசியலில் இலாபங்களைத் தேடிக்கொள்ள முயற்சிகளை மேற்கொண்டார்கள். நமது உளவுத்துறை இதற்கான தாளங்களை போட்டது. மக்கள் பெருமதிப்போடு போற்றி வந்த ' ழிமிகி 'என்ற நேஷனல் இன்வெஸ்டிகேஷன் ஏஜென்ஸியும் இதற்கு துணைபோனது எல்லோரையும் வியப்பில் ஆழ்த்தியது.பர்துவானில் நடந்த குண்டுவெடிப்பு அந்த மொஹல்லாவில் வாழ்ந்த முஸ்லிம்களையும் ஏன் மேற்கு வங்கம், அஸ்ஸாம், ஆகிய மாநிலங்களில் வாழும் முஸ்லிம்களையும் மத்திய உளவுத்துறையையும், தேசிய புலானாய்வுக் குழுவையும் ஏவிவிட்டு கபளிகரப்படுத்தினார்கள். பின்னர் கிடைத்த வாய்ப்புகளை நழுவ விடக்கூடாது என்பதால் வங்காள தேசம் என்ற நமது அண்டை நாட்டுக்குச் சென்று ஆய்வுகளை நடத்துகிறோம் எனக் கூறி அங்கே சென்றுள்ளார்கள்.இந்த கபளிகரத்தில் குண்டுவெடிப்பு நடந்த இடத்திற்குப் பக்கத்தில் உள்ள ஒரு மதரஸாவில் ஓதிக் கொண்டிருந்த மாணவன் ஒருவனை நெருப்பிட்டுக் கொளுத்த முயற்சி செய்துள்ளார்கள். அங்கே இருக்கும் அரசு இஸ்லாத்திற்கு எதிரானது. அது நமது உளவுத்துறைக்கு பெரிய அளவில் பயன்பட்டுக் கொண்டிருக்கிறது. மேற்குவங்க முஸ்லிம்களின் நிலைமை நாளுக்கு நாள் மோசமாகி வருவதால், முஸ்லிம்களின் நலனில் அக்கறை கொண்ட டெல்லியிலுள்ள மஜ்லிசே முஷாவரத் என்ற அமைப்பு களமிறங்கி உண்மைகளைக் கண்டறிந்திட முன்வந்தது.இந்த குழு கண்டறிந்த உண்மைகளை இங்கே தருகிறோம் :1. குண்டுகளை தயாரித்த காங்கிரகார்க் இல்லத்தில் குண்டுகளை தயாரிக்கும் பணி பல மாதங்களாக நடந்து கொண்டிருக்கின்றது. இது அந்தப் பகுதியுலுள்ள காவல் நிலையத்திற்கு நன்றாகத் தெரியும். அதே போல் அங்குள்ள எல்லா அரசியல்வாதிகளுக்கும் நன்றாகத் தெரியும். எந்த அளவுக்கு என்றால் ஓர் அரசியல் கட்சி கடந்த நாடாளுமன்ற தேர்தலில் இதே கட்டிடத்தில் காங்கிரகார்க் இல்லத்தில் தனது கட்சி அலுவலகத்தைத் தொடங்கியது. இதனால் காவல்துறையினர் மிகவும் அதிகமாக வந்து போகும் இடங்களில் ஒன்று இந்த காக்கிரா கார்க் இல்லம்.

2. குண்டுகளைத் தயாரித்தவர்கள் அவற்றை அரசியல்வாதிகளுக்கும், குண்டர்களுக்கும் விற்று வாழ்ந்துக் கொண்டிருந்தார்கள். இந்த உண்மையை அனைவரும் அறிவார்கள். குண்டுகளைத் தயாரித்தவர்கள் அரசியல் வாதிகளும், குண்டர்களும் தந்த ஆதரவில் சொ வாழ்ந்து கொண்டிருந்தவர்கள்தாம். இதனால் அவர்கள் அந்த பகுதியில் மிகுந்த ஆதிக்கம் நிறைந்தவர்களாக இருந்தாரகள். இந்த உண்மைகளைத் தெரிந்து வைத்துக் கொண்டே ஊடகங்கள் முஸ்லிம்களை மிகவும் கேவலமாக சித்தரித்துக் கொண்டிருக்கின்றது.4. பாரதீய ஜனதா கட்சியினருக்கும் இந்தக் கூட்டத்தோடு அதாவது குண்டு தயாரிக்கும் கூட்டத்தோடு தொடர்பு உண்டு என எல்லோரும் கூறுகின்றார்கள். மேற்கு வங்க மாநிலத்தில் மம்தா பானர்ஜியின் கட்சியாகிய திரினாமுல் காங்கிரஸ் தான் ஆட்சி செலுத்தி வருகின்றது.அதனிடமிருந்து பிர்பூம், பர்துவான் மற்றும் நாதியா ஆகிய மாவட்டங்களைக் கைப்பற்றிட பாரதீய ஜனதா கட்சி முயற்சி செய்து வருகின்றது. இந்த மாவட்டங்களில் தன்னை நிலைபெறச் செய்திட குண்டு வெடிப்பு அரசியல் பெரிய அளவில் உதவுமென பாரதீய ஜனதா கட்சி நம்புகிறது.இதனால் 2016 தேர்தலை மையப்படுத்தி இதுபோன்ற நிகழ்ச்சிகள் இன்னும் அதிகமாக நடக்கலாம். என மக்கள் குறிப்பாக முஸ்லிம்கள் அஞ்சுகின்றார்கள்.- அல் - இந்தியா மஜ்லிசே முஷாவரத் 155, Kasayar Road, Kolkata – 700017

வைகறை வெளிச்சம் மாத இதழ் சந்தாதாரர் ஆக வேண்டுமா?

வைகறை வெளிச்சம் மாத இதழ் சந்தாதாரர் ஆக வேண்டுமா? இங்கே கிளிக் செய்யவும்

முஸ்லிம்களின் பார்வையில் காவல்துறை முஸ்லிம்களுக்கு எதிரானது! ஊழல் மயமானது! மூன்று காவல்துறை அதிகாரிகள் சமர்ப்பித்த ஆய்வறிக்கை.

பாகல்பூர் கலவரத்தில் காவல்துறை முஸ்லிம்களுக்கு எதிராக

மூன்று காவல் துறை இயக்குனர்கள் இணைந்து ஓர் அறிக்கையை சமர்ப்பிக்கின்றார்கள்.அந்த அறிக்கையை இந்தியன் எக்ஸ்பிரஸ் நாளிதழின் மும்பை நிருபர் சுமிதா நாயர் இப்படி தலைப்பிட்டு எழுதினார் :'' முஸ்லிம்களின் பார்வையில் நாம் ( காவல் துறையினர் ) முஸ்லிம்களுக்கு எதிரான மாச்சர்யம் கொண்டவர்கள், வகுப்புவாதிகள், ஊழல்மயமானவர்கள் '' முஸ்லிம்கள் காவல்துறையை எப்படி பார்க்கின்றனர். அல்லது காவல் துறை முஸ்லிம்களை எப்படி பார்க்கின்றது என்பது குறித்த அறிக்கையை தயாரித்தவர்கள் மூன்று மாநிலங்களில் காவல்துறையை இயக்குபவர்கள். DGP Director General of Police. அவர்களில் ஒருவர் நமது தமிழகத்தின் காவல்துறை இயக்குநரான  இராமானுஜம் ஆவார்.

Ramanujam

Deo Raj

Sanjeev Dayal

 காவல்துறையினர் முஸ்லிம்களை எப்படி நடத்துகின்றார்கள் என்பதை நன்றாக உணர்ந்த காவல்துறை இயக்குநர்களில் நமது இயக்குநரும் இருக்கின்றார் என்பது தமிழ் நாட்டை சார்ந்த நமக்குப் பெருமை சேர்க்கின்றது என்றாலும் கீழ்கடையில் என்ன நடக்கின்றது என்பது நம்மை நெகிழச் செய்கின்றது.

நமது காவல்துறை இயக்குநர் கே. இராமனுஜம் அவர்களுடன் இந்த அறிக்கையை அதாவது முஸ்லிம்கள் காவல் துறையை எப்படி பார்க்கின்றார்கள் என்ற அறிக்கையை - தயாரித்த இன்னும் இரண்டு காவல் துறை இயக்குநர்கள்:1. திரு. சஞ்சீவ் தயால் இவர் மராட்டிய காவல்துறை இயக்குநராக இருந்தவர்.2. திரு. தியோராஜ் நாகர் இவர் உத்திரபிரதேச காவல் துறையின் இயக்குநராக இருந்தவர்.நடுவு நிலையான இந்த மூன்று உள்ளங்கைகளோடு ஒரு உளவுத்துறை அதிகாரியும் உண்டு. இவர்கள் 2013 ஆம் ஆண்டு இந்த அறிக்கை அவ்வாண்டு நடந்த அகில இந்திய இயக்குநர்களின் மாநாட்டில் சமர்ப்பித்தார்கள்.முஸ்லிம்கள் காவல் துறையை எப்படி பார்க்கின்றார்கள் என்ற ஆய்வு சிறுபான்மையினர் விவகாரங்களில் காவல் துறையினரை அக்கறையுடன் நடந்துக் கொள்ள செய்திட ஓரு வியூகம்.பல நல்ல பரிந்துரைகளை உள்ளடக்கிய இந்த அறிக்கையை இரவு நேர பாரதீய கட்சியாகிய காங்கிரஸ் அரசு, தன்னுடைய கல்லாப்பெட்டிக்குள் வைத்து இறுக்கப் பூட்டிப் போட்டு விட்டது. முஸ்லிம்களும், சிறுபான்மையினரும் மிகவும் குறைவாகவே காவல் துறையில், அங்கம் வகிக்கின்றார்கள். இதனால், அவர்களுக்கு காவல்துறை மீதுள்ள அவநம்பிக்கை அதிகரித்து வருகின்றது. அவர்களின் அவ நம்பிக்கையை உறுதிபடுத்தும் அளவில்தான் பல்வேறு வகுப்புக் கலவரங்களின் போதும் காவல்துறையினர் நடந்துக்கொண்டார்கள்.

முஸ்லிம்கள் மிகவும் முக்கியமானவர்கள் காரணம் அவர்கள் மிகப்பெரிய சிறுபான்மையினர். இதன் மூலம் மக்கள் தொகையில் ஒரு பெரும் பகுதியினர். பெரும்பாலான மாநிலங்களில் இதுவே நிலை. இதனால் காவல்துறையினரின் மனநிலையிலும் போக்கிலும், மாற்றங்களை விரைந்து நிறைவேற்றிட வேண்டிய ஒன்று.

அதன் மூலம் காவல்துறையின் மீது அவர்கள் இழந்துள்ள நம்பிக்கையை மீண்டும் பெறவேண்டும்.இந்த வகையில் முதன் முதலாக காவல்துறையின் அனைத்து மட்டங் களிலும், மனநிலையில் மாற்றங்களைக் கொண்டுவந்திட வேண்டும். இதன் மூலம் முஸ்லிம்களுக்கெதிராக நிலவும் மாச்சார்யத்தை உடைத்திட வேண்டும். இந்த தீர்வின் முதல் படி - முதல் நடவடிக்கை காவல் துறையில் முஸ்லிம்களுக்கு எதிராக ஒரு மாச்சர்யம் நிலவுகிறது என்பதை ஒத்துக் கொள்ள வேண்டும். அதேபோல காவல் துறையில் உள்மாற்றங்கள் வேண்டும் என்பதையும் ஒத்துக்கொள்ளவேண்டும்.

இந்த நிலையை மாற்றுவதில் நாம் காலம் தாழ்த்திட இயலாது. காரணம் இந்த மனநிலை காவல் காப்பதன் பல முக்கிய பகுதிகளைப் பாதிக்கின்றது. இதில் தீவிரவாதத்திற்கு எதிரான நட வடிக்கைகளும் அடங்கும். இதனால் நாட்டின் உள்நாட்டுப்பாதுகாப்பும் அடங்கும்.சிறுபான்மையினருக்கு எதிரான மனநிலையிலிருந்து விடுபட்டிடும் அளவில் காவல்துறையினருக்கு பயிற்சிகள் வழங்கப்படவேண்டும்.அத்தோடு மாநிலங்கள் அனைத்திலும் இரண்டு சிறப்புப் பிரிவுகள் உருவாக்கப்பட வேண்டும். சைபர் பிரிவு என்ற இணையதளங்களைக் கண்காணிக் கும் பிரிவு ஒன்று அமைக்கப்பட வேண்டும். இதன் மூலம் சிறுமான்மையினருக்கு எதிரான வதந்திகள் பரப்பப்படுவதைத் தடுத்திடலாம். அத்தோடு சமூக தளங்களை மற்றும் சோசியல் மீடியாவையும் கண்காணித்திடலாம். இதன் வழி வகுப்பு வெறிகள் தூண்டப் படுவதைத் தடுத்திடலாம். இந்தப் பிரிவு மாநில அரசின் இணையதள பாதுகாப்புப் பிரிவு ( CERT ) இன் கீழ் இருந்திட வேண்டும். பிரிதொரு பிரிவு மக்கள் தொடர்பு பிரிவாக இருந்திட வேண்டும். இந்த பிரிவு உணர்வுகளைத் தூண்டிடக் கூடிய செய்திகள் குறிப்பாக சட்டம் ஒழுங்கு பற்றிய செய்திகள் பரப்பப்படுவதைத் தடுக்க உதவும்.பல்வேறு நிகழ்வுகளை மேற்கோள் காட்டி இந்த அறிக்கை இன்னொரு செய்தியைப் பதிவு செய்கின்றது. அது வகுப்புவாத கலவரங்களை உருவாக்கும் சூழ்நிலைகளை முன் கூட்டியே அறியத் தரும் முறை ஒன்றை நிறுவிட வேண்டும், இது வகுப்புக் கலவரங்களை உருவாகும் சூழலை தடுக்கவும் வகுப்பு கலவரங்களை உருவாக்குபவர்களை கைது செய்யவும் உதவும்.

வகுப்புவாத சக்திகள் மிகைத்த பகுதிகளில் அந்த சமுதாயத்தை நன்றாக அறிந்த, அதிகாரிகளையே அந்தப் பகுதியில்  வேலையில் அமர்த்திட வேண்டும். ஆனால் அனைத்திற்கும் முன்னதாக காவல் துறையின் உள்ளே குடியிருக்கும் மாச்சர்யங்களை அகற்றிட வேண்டும்.அத்தோடு சமுதாயக் கண் காணிப்புகளை அதிகப்படுத்திட வேண்டும். வகுப்புக் கலவரங்கள் உருவாகிடும் முன்னே தகவல்களைத் தெரிந்திடும் வண்ணம் உளவுத்துறையை முடக்கிவிட வேண்டும். கலவரங்களை உருவாக்கிடும் அளவில் பேசுபவர்கள் நிகழ்ச்சிகளை ஏற்பாடு செய்பவர்கள் போன்றவர்களை நாம் கண்காணித்து அவர்களின் பேச்சுக்களையும், நிகழ்ச்சிகளையும் பதிவு செய்திட வேண்டும்.சட்டத்திற்கு புறம்பாக மக்கள் கூடுவதை தடுத்திட இப்போது இருக்கின்ற சட்டங்கள் போதாது. இன்னும் கூர்மையான சட்டங்கள் வேண்டும்.

ஆனால் தமிழகத்தில் சீருடை அணிந்து அல்லது அணியாமல் அமைப்புகள் அணிவகுப்பை நடத்திடும் சட்டம் இயற்றப்பட்டுள்ளது. இத்தோடு வகுப்புவாத அமைப்புகளுக்குப் பணம் வந்திடும் பாதைகளைக் கண்காணிக்கும் தனி நீதிமன்றங்களை அமைத்திடவும் வழி கண்டிட வேண்டும்.இப்படி காவல்துறையின் மன நிலையை குறிப்பாக முஸ்லிம்களுக்கும் ஏனைய சிறுபான்மையினருக்கும் எதிரான மனநிலையை மாற்றிடவும் வகுப்பு கலவரங்களைத் தடுத்திடும் வகையிலும் தயாரிக்கப்பட்ட அறிக்கை குப்பைத் தொட்டிக்கு அனுப்பப்பட்டு விட்டது. இந்த அறிக்கையில் குறிப்பிட்ட பல ஆலோசனைகள் செயலில் கொண்டு வந்திட இயலாதவை.இப்படியொரு அறிக்கை சமர்ப்பிக்கப் படுவதிலும் அதில் காவல் துறையினர் ஒரு தலைபட்சமாக நடந்துக் கொள்கிறார்கள் என்பது 2013 - இல் தான் நடந்தது என்றில்லை. மாறாக காவல்துறையின் வரலாறு முழுவதும் இப்படியே பதிவாகி இருக்கின்றது.

ஆனால் இந்த செய்தியை வெளியிட்ட இந்தியன் எக்ஸ்பிரஸ் அதில் கட்டுரையை எழுதிய சுமிதா நாயர் ஆகியோர் முதல் வரியில் முதன்முதலாகக் காவல்துறை ஊழல் மயமானது, சிறுபான்மையினருக்கு எதிரான மாச்சர்யங்கள் உள்ளது என்பது ஒத்துக் கொள்ளப்பட்டிருக்கின்றது என எழுதுகிறார்கள்.நமது இராமானுஜம் அவர்களைப் போல் எத்தனையோ காவல்துறை உயர் அதிகாரிகள் இதற்கு முன்னால் இதுபோன்ற இன்னும் சொன்னால் இதைவிட அழுத்தமான அறிக்கைகளைத் தாக்கல் செய்துவிட்டனர்.

காவல்துறை முஸ்லிம்களுக்கு எதிராக

காவல்துறை முஸ்லிம்களுக்கு எதிராக

காவல்துறை முஸ்லிம் பெண்களுக்கும் எதிராக

தொப்பி போட்டால் அடி, உதை

அவையெல்லாம் இந்த அறிக்கையைப் போல் குப்பைத் தொட்டிக்குத்தான் சென்றன.ஜி.ஜி.கோஷ்என்ற காவல்துறை அதிகாரி 17 வகுப்புக் கலவரங்களில் காவல்துறை அதிகாரிகள் எந்த அளவுக்கு இந்துத்துவ வெறியர்களைப் போல் முஸ்லிம்களைக் கொலை செய்யவும், அவர்களின் உடைமைகளைக் கொள்ளையடிக்கவும் செய்தார்கள் என்பதைத் தெளிவுப்படுத்தி யிருந்தார்கள்.தனது அறிக்கையை அரசாங்கம் கண்டுக்கொள்ளாததால் அவர் அதனை மக்கள் மன்றத்தில் வைத்தார். அதற்கு உணர்வுப் பூர்வமான தலைப்பு ஒன்றையும் தந்தார். அந்த தலைப்பு ( Communalism - Let Us Combat ) வகுப்பு வாதம் அதை நாம் எதிர்த்து போர் செய்வோம்.

ஆனால் நிலைமை நாளுக்கு நாள் மோசமானதே தவிர நிலைமை சீரடையவில்லை.இந்த ஆய்வு தொடர்ந்து இன்னும் பல ஆய்வுகளும் அறிக்கைகளும், அரசாங்கத்திற்குப் பரிந்துரைகளும் வந்தாலும் அவற்றிற்கெல்லாம் மகுடம் கட்டியதைப் போல் வந்தது விபூதி நாராயண ராய் அவர்களின் ஆய்வறிக்கை.வெறும் ஆய்வறிக்கையாக மட்டுமில்லாமல் அவருடைய முனைவர் பட்டத்திற்கும் வழிவகுத்தது.

இதில் எப்படி வகுப்பு கலவரங்களின் போது மொத்த நிர்வாகமும் முஸ்லிம்களுக்கெதிராக சுழலுகின்றன. என்பதை தெளிவுப் படுத்தியிருந்தார்.இவருடைய அறிக்கை ஆதங்கங்கள் இவற்றையும்  நமது அரசுகள் கண்டு கொள்ளவில்லை. ஆதலால் அவரது ஆய்வை செயலில் கொண்டுவந்திட அவருக்கும் வேறு வழி இருக்கவில்லை. ஆதலால் அவரும் தனது ஆய்வை மக்கள் மன்றத்தில்தான் வைத்தார்கள்.பல்வேறு ஆய்வுகள், விசாரணைகள், இவற்றில் மேற்கோள் காட்டிடும் ஓர் ஆய்வாகத்தான் அது அமைந்தது.

ஆனால் அரசு அவருடைய ஆய்வை பரிந்துரை செய்வதில் எந்த நடவடிக்கையும் எடுக்கவில்லை. விரக்தி வயப்பட்ட விபூதி நாராயண ராய் அவர்கள் தன்னுடைய ஆய்வு முடிவுகளை இன்னும் சணரஞ்ச கப்படுத்திட விரும்பினார்கள்.

தன்னுடைய ஆய்வை அடிப்படையாக கொண்டு புதினம் ஒன்றை எழுதினார்கள். அதன் பெயர் '' ஊரடங்கு உத்தரவு '' இதனை நாம் தமிழிலும் வெளியிட்டோம். ( இந்த நூல் தற்போது அச்சில் உள்ளது இன்ஷா அல்லாஹ் மிக விரைவில் வேர்கள் வெளியீட்டகம் வழி வரும் ).ஆனால் இவற்றின் வழி மக்கள் விளக்கங்களையும் விபரங்களையும் பெற்றார்களே அல்லாமல் அரசு தரப்பில் எந்த நடவடிக்கையும் எடுக்கப்பட வில்லை. சங்கப்பரிவாரத்தின் பாசிச போக்கிற்கே எல்லா அரசுகளும் துணை நின்றன. நிலைமை இன்னும் மோசமானது.

பாகல்பூர் கலவரம்

பாகல்பூர் படுகொலைகளை நடத்தின. இதில் காவல்துறையினர் முற்றாகக் களமிறங்கி படுகொலைகளைச் செய்துக்கொண்டிருந்தனர். இந்த செயலில் ஈடுபட்டுக்கொண்டிருந்த காவல்துறையில் ஒரு முஸ்லிம் இன்ஸ்பெக்டர் இவர் காவல்துறையினர் அப்பாவி முஸ்லிம்களைக் கொலை செய்வதைப் பொருத்துக்கொள்ள இயலாமல் காவல்துறையினரை தடுத்தார். தடுக்க முயன்ற அடுத்த நிமிடமே பிணமாக சாய்ந்தார். அவருடைய உடலைப் பிளந்து சென்ற துப்பாக்கிக் குண்டு அவருக்குக் கீழ் பணியாற்றிக் கொண்டிருந்த சப் இன்ஸ்பெக்டருடைய துப்பாக்கியிலிருந்து பாய்ந்தது.விசாரணைகள் ஆய்வறிக்கைகள் எல்லாம் வந்தன. ஆனால் அந்த சப் இன்ஸ்பெக்டரை இடமாற்றம் கூட செய்திட இயலவில்லை. முஸ்லிம்களும் முஸ்லிம் அமைப்புகளும் பிரதம அமைச்சர் வரை சென்று சந்தித்து மனுக்கொடுத்தார்கள்.

இதே பாகல்பூரில் காவல்துறையில் அடைக்கலம் புகுந்த பல முஸ்லிம்கள் மறுநாள் பிணமாக கிடந்தார்கள்.இதுவேதான் காசிம்புராவில் நடந்தது. காசிம்புராவில் கலவரம் நடந்துக் கொண்டிருக்கின்றன. சங்கப் பரிவாரத்தினர் முஸ்லிம்களைக் கொன்று குவித்துக் கொண்டிருக்கின்றனர். முஸ்லிம்கள் தங்கள் வீடுகளிலிருந்து தெறித்து ஓடுகின்றார்கள். ஒரு பணக்கார முஸ்லிமின் பங்களாவில் அடைக்கலம் தேடுகிறார்கள். பங்களாவுக்கு சொந்தக்காரர் தொடர்ந்து காவல்துறைக்கு தொலைபேசியில் பேசுகின்றார். நீண்ட நேர முயற்சிக்குப்பின் காவல்துறையின் வாகனம் ஒன்று அங்கு வருகின்றது. '' ஆபத்துப்பாந்தவன் '' வந்துவிட்டான் என அந்த முஸ்லிம்கள் சற்றே நிம்மதியடைகிறார்கள். அந்த முஸ்லிம்களை காவல் துறை வாகனத்தில் ஏற்றுகின்றார்கள். பின்பு அடுத்த ஒரு ஏரியில் அவர்கள் பிணமாகக் கிடக்கின்றார்கள். அதற்கான விசாரணை இன்றளவும் நடந்துக் கொண்டிருக்கின்றது.

இந்த படுகொலைகளை செய்த பல காவல்துறை அதிகாரிகள் ஓய்வு பெற்றுவிட்டனர். அவர்கள் பெற்றிட வேண்டிய பதவி உயர்வுகள், ஓய்வூதியம், ஓய்வு பெறும்போது பெற்றிட வேண்டிய மொத்த பணம் இவை அனைத்தையும் பெற்றுவிட்டார்கள். இதற்கான வழக்குகள் இன்னும் நடந்து கொண்டிருக்கின்றன. ஆனால் இந்த விசாரணை, இதற்கான தீர்ப்பு இவற்றால் விளையப்போவது எதுவுமில்லை. அவர்கள் பெறவேண்டியவற்றை யெல்லாம் பெற்றுவிட்டார்கள்.

பாபரி மஸ்ஜித் இடிப்பிற்கு பின் நிலைமை இன்னும் மோசமானது. அங்கே கரசேவகர்கள் இடித்தது போக மீதியை இடித்தவர்கள் மத்திய அரசின் முகவர்கள். பாபரி மஸ்ஜித் - ஐ இடித்ததில் பெருமைப்படுகின்றோம். என்று சொன்ன பால்த்தாக்கரே சகல அவகாசத்தோடும் மும்பை படுகொலைகளை நடத்தினார். கையில் முஸ்லிம்களின் பெயர் பட்டியல்களை வைத்துக் கொண்டு நடத்திய பட்டப்பகல் படுகொலைகள் அவை.

ஸ்ரீ. கிருஷ்ணா கமிஷன்

அந்த படுகொலைகளை ஆய்வு செய்யவும். ஸ்ரீ. கிருஸ்ணா கமிஷன் என்றொரு கமிஷனை நியமித்தார்கள். இந்த ஸ்ரீ. கிருஸ்ணா கமிஷனிடம் சில குறிப்பான விடயங்கள் குறித்தும் ஆய்வுகள் நடத்தி அறிக்கை தந்திட வேண்டும் என அரசு கேட்டுக் கொண்டது. அதில் மும்பை கலவரங்களுக்கு யார் குற்றவாளிகள் என்பதை தெளிவாகக் குறிப்பிட வேண்டும். அவர்கள் மீது எடுக்க வேண்டிய நடவடிக்கைகளையும் பரிந்துரைக்க வேண்டும் என்றெல்லாம் கேட்டுக்கொண்டார்கள்.

நீதிபதி ஸ்ரீ. கிருஸ்ணா அவர்கள் காடு மேடுகளையெல்லாம் கடந்து சென்று நீதிபதியின் சிகரமாய் ஓர் அறிக்கையை தாக்கல் செய்தார்கள். இந்த அறிக்கையில் 2000 அப்பாவி முஸ்லிம்கள் கொலை செய்யப்பட்டதற்கு, பால்தாக்கரே தான் காரணம். அவர் தொலைபேசியில் இங்கே சென்று கொல்லுங்கள் அங்கே சென்று கொல்லுங்கள் என உத்தரவுகளை பிறப் பித்துக் கொண்டிருந்தார் என்பதை யெல்லாம் தக்க ஆதாரங்களுடன் சமர்பித்தார்.1992 - 1993 மும்பை படுகொலைகள் நடந்து முடிந்து நீதிபதி ஸ்ரீ. கிருஸ்ணா அவர்கள் தங்கள் அறிக்கையை சமர்பித்தபோது, கொலைகளைச் செய்த பாசிச பரிவார கும்பலே ஆட்சிக்கு வந்துவிட்டது. இந்த கும்பல் ஸ்ரீ. கிருஸ்ணா அறிக்கையை சட்ட சபையில் சமர்பிக்கமாட்டோம் எனக் கூறிவிட்டது. அதன் பின் நீண்ட போராட்டத்திற்கு பிறகு அறிக்கை வெளிவந்தது. ஆனால் அதில் பிரதான குற்றவாளி இனப்படுகொலைகளை தொடங்கி நடத்தியவர் என குற்றம் சாட்டப்பட்ட, பால்தாக்கரேயை கைது செய்திடவில்லை.

இதற்காகவும் தொடர் போராட்டங்கள் நடத்தப்பட்டன.. பின்னர் கைது என்ற பெயரில் ஐந்து நிமிடங்கள் நீதிமன்றத்தில் ஆஜர்படுத்தப்பட்டார். ஆனால் சிறைக்கு அனுப்பப்படவில்லை. அவர் மீது தாக்கல் செய்யப்பட்ட குற்றப்பத்திரிக்கை மீது எந்த நடவடிக்கையும் எடுக்கப்படவில்லை. இந்நிலையில் கொலை குற்றம் சாட்டப்பெற்ற பால்தாக்கரே இறந்தார். அவரின் உடலின் மீது தேசியக் கொடியைப் போர்த்தினார்கள்.

அதாவது சங்கப் பரிவார பாசிசம் தேசிய அங்கீகாரம் பெற்றது. இதற்கு பின்னும் நமது இந்தியாவில் நீதியும் நேர்மையும் நிலை நாட்டப்படும் என்று எந்த முட்டாளும் நம்பமாட்டான்.அன்றிலிருந்து காவல் துறையினர் முஸ்லிம்களை எதிர்தாக்குதல் என்ற பெயரில் கொலை செய்வது பெருகி வருகின்றது. இந்த எதிர்தாக்குதல்களை எத்தனை இலாவகமாக செய்திட இயலுமோ அத்தனை இலாவகமாகச் செய்தார்கள்.எடுத்துக்காட்டாக மும்பையில்  டயாநாயக் என்றொரு காவல்துறை துணை ஆய்வாளர் என்ற சப் - இன்ஸ்பெக்டர். இவர் ஏராளமான முஸ்லிம் இளைஞர்களை பிடித்து வைத்துக் கொள்வார். குஜராத் மற்றும் ஆந்திராவிலுள்ள காவல்துறையினரிடம் என்கவுண்டர் செய்திட முஸ்லிம் இளைஞர்கள் வேண்டுமா? குண்டு வெடிப்புகளில் இணைத்திட முஸ்லிம் இளைஞர்கள் வேண்டுமா? எனக்கேட்பாராம்! இவர் குறுகிய காலத்திலேயே பலகோடிகளுக்கு அதிபதியாகிவிட்டார்.

ஆனால் இவரைச் சட்டம் சீண்டிப் பார்த்திடவில்லை.இப்படி முஸ்லிம் இளைஞர்களை எதிர்த்தாக்குதலில் பயன்படுத்திடும் பொருள்களாகப் பயன்படுத்தி இருக்கின்றார்கள். இன்றளவும் அதனை தொடர்ந்து நடத்திக் கொண்டிருக் கின்றார்கள். அதில் ஒன்றுதான் - அந்த ஏளனமான மன நிலையின் வெளிப்பாடுதான் எஸ்.பி. பட்டிணத்தில் நடந்தது. அதனை நமது நிறுபர்கள் தந்தப்படி இங்கே பதிவு செய்கின்றோம்.

எஸ்.பி.பட்டிணத்தில் நடந்தது என்ன?

தமிழகத்தின் கடலோர மாவட்டம் இராமநாதபுரம். அதில் கடற்கரை பகுதி எஸ்.பி.பட்டிணம். இங்கு செய்யித் முஹம்மது என்றொரு முஸ்லிம் இளைஞன். தந்தை இல்லை. கூலி வேலை செய்து தன் தாயாரை காப்பாற்றி வருபவன்.இங்கு பைக் முதலியனவற்றை பழுது பார்ப்பவர் அருள்தாஸ். அவரிடம் செய்யித் முஹம்மதின் நண்பன் பைக்கை பழுதுப்பார்க்க கொடுத்திருக்கிறார். அதை வாங்கி வர தன் நண்பனின் கோரிக்கையின் கீழ் சென்றிருந்தான் செய்யத் முஹம்மது.

ஆனால் அவன் செல்லும் போது பைக் தயாராகவில்லை. இதனால் காலம் கடந்த அருள்தாஸ் பைக் - ஐ கொடுத்த செய்யத் முஹம்மதுவின் நண்பனிடம் போனில் தொடர்பு கொண்டு பைக்கை செய்யதிடம் தரலாமா? என கேட்டிருக்கிறான். அவனும் கொடுக்கலாம் என கூறியிருக்கிறார். ஆனால் அருள்தாஸ் பைக் தயாராக இல்லை. சிறிது நேரம் கழித்து வந்து வாங்கிக் கொள்ளலாம் என வாய்தா போட்டார்.வாய்தா காலம் முடிந்து வந்தார் செய்யத் முஹம்மது. வண்டியை கேட்டார். ஆனால் அருள்தாஸ் அப்போதும் தன் வேலையைக் காட்டவே வாய்ச்சண்டை நடந்திருக்கிறது. சற்று சூடு அதிகமாகவே வாய்ச்சண்டை கைகலப்பாக மாறி இருக்கின்றது.

 ஊர் நாட்டில் நடப்பது போல் அக்கம் பக்கத்தினர் வந்து விலக்கி விட்டிருக் கின்றனர்.ஆனால் மெக்கானிக் அருள்தாஸ் தனக்கு எல்லாவகையிலும் உதவி வரும் பக்கத்திலுள்ள காவல் நிலையத்தில் சென்று கூறியுள்ளார். ஆனால் புகார் எதுவும் எழுதித்தரவில்லை. அதன் பின் காவல்துறையினர் செய்யத் முஹம்மதுவை அடித்து இழுத்து சென்றுள்ளனர். மேலும் காவல் நிலையத்தில் வைத்து நையப்புடைந்துள்ளார்கள்.அடி தாங்க முடியாமல் செய்யத் முஹம்மது அலறி இருக்கின்றான். அலறல் சப்தம் கேட்டு சிலர் காவல் நிலையம் சென்று பார்த்துள்ளனர். ஆனால் அவர்கள் உள்ளே அனுமதிக்கப்படவில்லை. காவல்துறையினரின் தொடர் கொடூரங் களால் மூர்ச்சையானான் செய்யத் முஹம்மது. இவையெல்லாம் மதியம் 2 மணிக்கே முடிந்துவிட்டது.இந்த காவல் நிலையத்தில் காளிதாஸ் என்பவர்தான் துணை ஆய்வாளர். இவர் மதியம் 3 மணிக்கு தன் கடமைகளைச் செய்திட காவல் நிலையம் வந்திருக்கின்றார். பின் எஸ்.ஐ. காளிதாஸ் தன் பங்கிற்கு செய்யத் முஹம்மதுவை கடுமையாகத் தாக்கியிருக்கிறார். இவரின் தாக்குதல் உச்சக்கட்டத்தை எட்டவே செய்யத் முஹம்மது இறந்து போனான்.சையது முகம்மது கத்தும் சத்தம் பின்னர் கேட்கவில்லை. மருந்து கடை இரமேஷ் இறப்பை உறுதி செய்துள்ளார். ஆயுர்வேதிக் படித்து பார்மசிஸ்ட்டாக உள்ள இரமேஷ் சுமார் ஐந்து மணியளவில் ஒரு காவலரால் காவல் நிலையம் அழைத்து வரப்பட்டு, அந்த காளிதாஸிற்கு ஏற்பட்ட இடது கை, இடதுபக்க வயிற்றுக் கீறல்களை காண்பித்து நரம்பு தேசம் அறுந்து விட்டதா என்று கேட்டுள்ளார். அதன் பின் அதற்கு பஞ்சு வைத்து கட்டிவிடவேண்டும் என்றும் கேட்டுள்ளார்.

ஆனால் இரமேஷோ இதற்கு நான் மருத்துவம் பார்க்கக் கூடாது என்று திரும்பி வந்து விடுகிறார்.அப்போது இரமேஷ் ஒரு அறையில் ஒருவர் சாய்ந்து படுத்து இருப்பதை பார்த்துள்ளார். அவர் வெள்ளை நிற அங்கி அணிந்திருந்தார். அவருடைய உடம்பிலோஒரு சொட்டு இரத்தம் கூட இல்லையென்று தெரிவித்தார்.ஆம்புலன்ஸ் ஓட்டுனர் ஆசாத் ஆசாத் நம்மிடம் கூறும்போது தாம் டி.என்.டி.ஜெ விற்கு ஆம்புலன்ஸ் ஓட்டுனராக இருப்பதாகவும், சம்பவம் நடந்த அன்று மாலை சுமார் 4.30 முதல் 4.45 மணிக்குள் தன்னை அழைத்ததாகவும், தாம் தொண்டியிலிருந்து 10 நிமிடத்தில் காவல் நிலையத்திற்கு வந்து விட்டதாகவும் தெரிவித்தார்.அவரை காவல்துறையினர் கேட்டுக்கு வெளியே இருக்கும் படி சொல்லியுள்ளனர். இவர் கூற்றுப்படி பார்த்தால் சையது முகம்மது 4.30 மணிக்கு முன்பாகவே இறந்துவிட்டார். இவர் மருந்து கடை இரமேஷ் உள்ளிருந்து வெளியே வந்ததை பார்த்துள்ளார்.  சிறிது நேரத்தில் எஸ்.ஐ. காளிதாஸ் காவல் நிலையத்தில் இருந்த ஒரு சிவப்பு காரில் ஏறி சென்றுவிட்டதாக தெரிவித்தார்.

சுமார் ஒரு மணி நேரம் தான் £வெளியில் நின்றதாகவும் ஆசாத் தெரிவித்தார்.பின்னர் தன்னை காவலர்கள் உள்ளே வரும்படி அழைத்ததாகவும் தன்னிடம் உள்ள செல்போனை வாங்கிக் கொண்டதாக கூறினார். தான் வண்டியில் ஏறி உட்கார்ந்து பின்னால் உள்ள ஜன்னல் வழியாக பார்க்கும்போது, இரண்டு காவ லர்கள் சையதுவின் உடலைக்கொண்டு வந்து போட்டதாகவும், பின்னர் தான் `` என்ன சார் யாரோ காயம் அடைந் துள்ளார் என்று கூறினீர்கள் இப்போது உடலைக் கொண்டு வந்து போடுகிறீர்கள்? `` எனக் கேட்டபோது  இதனை யாரிடமும் வெளியே சொல்லவேண்டாம் என காவல்துறையினர் கேட்டுக் கொண்டதாகவும். டி.எஸ்.பி.சேகர் வந்து எஸ்.ஐ. (இவர் வேறோரு எஸ்.ஐ) சொல்லும்படி வண்டியை ஓட்டும் படியும் வழியில் யார் நிருத்த சொன்னா லும் நிறுத்த வேண்டாம் என கேட்டுக் கொண்டதாகவும் கூறினார்.

இந்நிலையில் வண்டியை திருபாலகுடி காவல் நிலையத்திற்கு கொண்டு சென்றதாகவும் அங்கு எஸ்.பி. மயில் வாகனன் வந்து ஆம்புலன்ஸில் இருந்த உடலை புகைப்படம் மற்றும் வீடியோ எடுத்துக் கொண்டதாக தெரிவித்தார். இங்கு ஆம்புலன்ஸ் சுமார் அரை மணி நேரம் நின்றதாகவும் பின்னர் சுமார் 7.10 மணிக்கு இராமநாதபுரம் அரசு மருத்துவமனைக்கு சென்றதாகவும் தெரிவித்தார். தான் இதனையே மாஜிஸ்ரேட்டிடம் தெரிவித்ததாக நம்மிடம் சொன்னார்.

சையது அலி ஃபாத்திமா சையது அகமது தாயார்இவர் இரண்டு முறை இருதய அறுவை சிகிச்சை செய்யப்பட்டவர், இன்னும் இவர் கணவர் காட்டுபாவா அவர்கள் இறந்து 10 வருடத்திற்கு மேல் ஆகிவிட்டது. 2 மாதத்திற்கு முன்புவரை இவரது மகன் சையது சென்னையில் கார் டிரைவராக இருந்துள்ளார். கடந்த இரண்டு மாத காலமாக இறால் பண்ணையில் மாதம் 15,000 ரூபாய் சம்பளத்திற்கு வேலை செய்வதாக தெரிவித்தார். இன்றும் உடல் நிலை பாதிக்கப்பட்டு இவர் அழுதுக் கொண்டே இருந்ததால் இந்த தகவலை இவரின் சகோதரி அவர்கள் நம்மிடம் தெரிவித்தார்.தன்னுடைய மகனை காவல் நிலையத்திற்கு அழைத்து சென்ற விவரத்தை தம்மிடம் கூறாமல் மறைத்து விட்டதாகவும், இன்னும் தன்னுடைய மகன் இறந்த விடயமே தனக்கு தொலைக்காட்சியை பார்த்த பின்புதான் தெரிந்ததாக கூறினார். மறுநாள் 15.10.14 அன்று ஆய்வாளர் துரை பாண்டி தவறு நடந்து விட்டது என்று சொல்லி திருவாடணை டி.எஸ்.பி சேகர் கொடுத்த கடிதத்தை காண்பித்து அதில் கையெழுத்து போடுமாறு கேட்டுள்ளார்.

அதில் `` இன்று 14.10.2014 மாலை 3.மணிக்கு எஸ்.பி. பட்டிண காவல் நிலைய கு.எண் : 90/2014 வழக்கில் விசாரணைக்காக அழைத்து செல்லப் பட்ட தங்களது மகன் சையது முகமது காயம் பட்டு அதன் தொடர்பாக இராம நாதபுரம் அரசு தலைமை மருத்துவ மனைக்கு சிகிச்சைக்கு செல்லும் வழியில் இறந்துவிட்டார் என்பதனையும் இது தொடர்பாக எஸ்.பி. பட்டிணம் காவல் நிலையம் கு.எண் : 91/2014 பிரிவு 176(4) கீழ் சி.ஆர்.பி.சி வழக்கு பதிவு செய்யப்பட்டு நீதிமன்ற விசாரணைக்கு அனுப்பப்பட்டுள்ளது என்பதை தெரிவித்துக் கொள்கிறேன் `` என்று இருந்தது. ஆனால் அந்த கடிதத்தில் கையெழுத்து போட குடும்பத்தார்கள் மறுப்பு தெரிவித்து அனுப்பி வைத்ததாக கூறினார்கள். இதில் ஒரு கொலையை மறைக்க ஆய்வாளர் துரை பாண்டி மற்றும் டி.எஸ்.பி சேகர் மற்றும் எஸ்.பி மயில் வாகனன் போன்றோர் முயற்சி செய்தது தெரிகின்றது.

இந்நிலையில் இந்த செய்தியை கேள்விப்பட்டு சுமார் ஆயிரத்திற்கும் மேற்பட்ட மக்கள் காவல் நிலையத்திற்கு முன் கூடிவிட்டனர். அங்கிருந்த கடைகள் அடைக்கப்பட்டன. உடனே சம்பவ இடத்திற்கு எஸ்.பி, ஐ,ஜி, டி.ஐ.ஜி போன்றவர்கள் வந்து உரிய நடவடிக்கை எடுப்பதாக கூறியுள்ளார்கள். இன்னும் கிட்டதட்ட முன்னூறுக்கும் மேற்பட்ட போலிஸார் அங்கு குவிக்கப்பட்டார்கள். மக்கள் மறியலில் இருந்த போது தைக்கால் பள்ளிவாசலில் ஜமாத் தலைவர் மைக் மூலம் காவல்துறை அதிகாரிகள் உரிய நடவடிக்கை எடுப்பதாக கூறியுள்ளனர். எனவே கலைந்து செல்லுங்கள் என்று கூறியவுடன் மக்கள் கலைந்து சென்றுள்ளனர். மாலை 5.30 மணிக்கு பிறகு ஆம்புலன்ஸ் சென்றவுடன் வெள்ளதுறை ஏ.டி.எஸ்.பி காவல் நிலையத்திற்கு வந்துள்ளார்.

இவர் இரவு முழுவதும் அங்கிருந்து மக்களை அடக்கும் திட்டத்தை நிறைவேற்ற முகாமிட்டிருந்த தாக மக்கள் நம்மிடம் தெரிவித்தனர்.மறுநாள் 15.10.2014 உச்ச நீதிமன்ற வழிகாட்டுதல் படி  நீதிபதி என். வேலுச்சாமி மேற்பார்வையில் விசாரணைக்கு உத்தரவு பிறப்பிக்கப் பட்டது. அவர் மாலை நடைபெற்ற உடல் பரிசோதனையின் போது உடன் இருந்தவர். மேலும் தலைமை மருத்துவர் தலைமையில் சுமார் 5 மருத்துவர்கள் உடல் பரிசோதனை மேற்கொண்டார் கள். இதனை வீடியோ படம் எடுக்கப்பட்டது. இரண்டு வழக்கறிஞர்கள் உடன் இருந்துள்ளனர்.ஊர் மக்கள் 302 கொலை வழக்கு பதிவு செய்தால்தான் உடலை வாங்குவோம் என்று கூறியுள்ளனர். மறுநாள் 16.10.2014 அன்று மதுரை உயர் நீதி மன்றத்தில் இந்த வழக்கு சம்பந்தமாக மனுதாக்கல் செய்யப் பட்டது. அதில் இரண்டாவது முறையாக உடல்பரிசோதனை செய்ய கோரிக்கை வைக்கப்பட்டது.

ஆனால் எல்லாம் உச்ச நீதிமன்ற வழகாட்டுதல்படி நடந்துள்ளது என் அரசு தரப்பு வழக்கறிஞர் சொன்னதால் வழக்கில் இரண்டாவது உடற்பரிசோதனை தேவையில்லை என நீதிமன்றம் தீர்ப்பு வழங்கியது.இந்நிலையில் அன்று மாலை 6.00 மணிக்கு மேல் முஸ்லிம் சட்டமன்ற உறுப்பினர் இருந்த இடத்தில் உள்ளூர் மக்கள், மற்றும் சில இயக்க உறுப்பினர்கள் கூடி பேசினார்கள். இதில் அவர் உச்ச நீதி மன்றம் சொன்ன 13 விதிகளும் பின்பற்றப்பட்டதால் உடலை வாங்கிக்கொள்ளலாம் என்று கூறினார். இதனை சிலர் 302 கொலை வழக்கு போடுவது பற்றி கேட்டுள்ளனர். இறுதியில் அவரின் நிர்பந்தத்தால் உடலை பெறுவது என மக்கள் முடிவு செய்துள்ளனர். மறுநாள் மஃரிப் தொழுகையில் உடல் அடக்கம் செய்யப்பட்டது.வைகறை நிருபர் மாஜிஸ்ரேட் விசாரணையின் போது காவல் நிலையத்தில் இருந்தார், மாஜிஸ்ரேட்  சம்பவம் நடந்த எஸ்.ஐ.காளிதாஸ் அறையை பார்வையிட்ட போது அவரும் பார்த்தார் அப்போது அந்த அறையில் எந்த ஒரு சிறு சேதாரமோ,சிதறலோ, இரத்தக்கறையோ இல்லாமல் இருந்ததை பார்த்தார். இங்கு காவல்துறையினரால் தடயம் அழிக்கப்பட்டது தெளிவாகிறது. இன்னும் சையது ஒரு ரவுடி என்று காவல் துறை சொன்னதை பற்றி மக்களிடம் கேட்டபோது அதனை மக்கள் மறுத்தனர், இன்னும் சையது ஜெயலலிதா கைதை தொடர்ந்து எஸ்.பி பட்டிணத்தில் பஸ் எரிக்கப்பட்டபோது இவர் சென்று பலரை காப்பாற்றியுள்ளார்.

நமது நிருபர்கள் இக்பால் மற்றும் ரிஸ்வான்.

என்கவுண்டர் என்ற எதிர் தாக்குதலில் காவல்துறை கடைபிடிக்க வேண்டிய நெறிமுறைகள்.

காவல்துறையினர் அப்பாவிகளை அழைத்து வந்து கொலை செய்வது பின்னர் எதிர் தாக்குதல் எனப்பட்டம் கட்டுவது. பொய்களையும் புனைந்துரைகளையும் பக்கம் பக்கமாக எழுதி அந்தக் கொலையை நியாயப்படுத்துவது. இது காவல் துறைக்கு கைவந்த கலை.இவர்களின் இந்த கொலைகளுக்கு பாராட்டுக்கள் பதக்கங்கள். அதுவும் விழாக்களில். அதாவது காவல்துறையினர் நடத்தும் கொலைகளுக்கு அரசியல் நடத்துவோர் அங்கீகாரம் தருகின்றனர்.பின்னர் விவகாரம் நீதிமன்றம் செல்கிறது. நீதிபதிகள் காவல்துறையின் ' ஏட்டைய்யா ' போல நடந்துக்கொண்டு மொத்த நீதியையும் குழிதோண்டிப் புதைத்து விடுகிறார்கள். இதில் பெரும்பாலும் அ நாதைகளும் அடித் தட்டுக்கு அல்லாடும் அன்றாடம் காய்ச்சிகளும்தான் பாதிக்கப்படு கிறார்கள். அதனால் அவர்களால் துப்பாக்கிகளைத் ' துஷ்பிரயோகம் ' செய்யும் இந்த அடங்காத காவல் துறையின் முன்னால் நின்றிட முடிய வில்லை.

இப்படி இந்தியக் குடிமக்களை - இந்திய குடிமக்களின் வரிப்பணத்தில் தங்கள் தொப்பைகளை நிரப்பிக் கொண்டும் கொலை செய்யும் பெரும் பாதகம் தொடர்ந்து கொண்டிருக்கிறது.கீழ் நிலையில் உள்ளவர்கள் செய்யும் கொலைகளுக்கு மேல் ' மட்டத்தில் ' உள்ள காவல்துறை அதிகாரிகள் தரும் ஆதரவுக்கு அளவே இல்லை. இறந்தவர்களின் உடல் அடக்கப் படுவதற்கு முன்னரே அவர்களுக்குப் பதக்கங்களைத் தர காத்துக் கிடக்கும் ஆட்சியாளர்கள். இப்படி கொலை செய்யப்பட்டவர்கள் முஸ்லிம்களாக இருக்கும் பட்சத்தில் இந்த பதவி உயர்வுகளும் பதக்கங்களும் மின்னல் வேகத்தில் வழங்கப்படுவதுண்டு.

அரசியல் வாதிகளின் - அரசுகளின் இஸ்லாத்திற்கு எதிரான மனநிலையைப் பயன்படுத்திக் கொண்டு அதிகாரிகள், மாநில முதல்வர்களையும் ஏன் குடியரசு தலைவர் களையும் ஏமாற்றிய வரலாறுகள் ஏராளம்! தாராளம்! இவற்றை நாம் வைகறை வெளிச்சம் இதழில் நிரம்பவே சுட்டிக்காட்டியுள்ளோம். [இன்ஷா அல்லாஹ்] இன்னும் அதிகமாக வெளிக்கொணர்வோம்.இந்த அநியாயங்களையெல்லாம் ஒரு முடிவுக்கு கொண்டுவந்திட உச்ச நீதிமன்றத்திடம் முறையிட்டார்கள் மனித உரிமை ஆர்வலர்கள். குறிப்பாக PUCL  - என்ற மனித உரிமை அமைப்பு[People`s Union For Civil Liberties  ] உச்ச நீதிமன்றத்தில் தொடுத்த பொதுநல வழக்கில் உச்ச நீதிமன்றம் ' 13 கட்டளைகளை ' பிரஸ்தாபித்துள்ளது. அவற்றை தொகுத்து தருகிறோம்.

கட்டளை - 1 குரூரமான குற்றங்கள் நடக்கும் என்ற தகவல் அல்லது உளவு காவல்துறையை எட்டினால் காவல்துறை உடனேயே அதற்கு எழுத்து வடிவம் தந்து ஏதாவது வடிவில் பதிவு செய்ய வேண்டும். இதனை காவல் நிலைய டைரியில் - நிலைய நாட்குறிப்பில் பதிவு செய்திட வேண்டும்.[ Preferably in The Case Diary Or Some Electronic Form] அதாவது கம்யூட்டர் போன்றவற்றில் பதிவு செய்து வைத்திட வேண்டும். இதனை ஏட்டைய்யா செய்கிறார். கொலை நடந்தப்பின்.

கட்டளை - 2 [ என்கவுண்டர் ] என்ற எதிர்த்தாக்குதல் நடந்தால் அதில் துப்பாக்கி போன்ற ஆயுதங்கள் பயன் படுத்தப்பட்டால் அதன் விளைவாக மரணம் நிகழ்ந்தால் உடனேயே  F.I.R என்ற முதல் தகவல் அறிக்கை பதிவு செய்யப்படவேண்டும். அதனை உடனேயே 157. CRPCஇன் கீழ் நீதிமன்றத்திற்கு அனுப்பிட வேண்டும். இதில் தாமதம் ஏதும் கூடாது.

கட்டளை - 3 எதிர்த்தாக்குதல் அல்லது நிகழ்வு நடந்த காவல் நிலையம் அல்லாத இன்னொரு காவல் நிலையம் வழி, ஒரு காவலர் குழுமம் [Police Team]  அல்லது உளவுத்துறை CID ஒரு விசாரனையை நடத்திட வேண்டும். இதனை உயர்மட்ட காவல்துறை அதிகாரி ஒருவர் கண்காணித்திட வேண்டும்.காவல்துறையினர் செய்யும் எதிர்த்தாக்குதல் என்ற படுகொலையை காவல்துறையே விசாரிக்க வேண்டும் என்று உச்ச நீதிமன்றம் கூறியிருப்பது அத்தனை அநீதிக்கும் வழிவகுக்கும். ஒரு பேட்டை ரவுடி செய்யும் கொலையை இன்னொரு பேட்டை ரவுடி தனது தாதாவின் மேற்பார்வையின் கீழ் விசாரித்து உடனயே அறிக்கையை தரவேண்டும் என இனி நமது நீதிபதிகள் நீதியை ஜனரஞ்ச படுத்தினால் ஆச்சர்யபடுவதிற்கில்லை.

கட்டளை - 4 ஒரு மாஜிஸ்டிரேட் என்ற நடுவரைக் கொண்டு ஒரு விசாரணையை நடத்திட வேண்டும். இது CRPC - 176 ஆம் பிரிவின் கீழ் நடந்திட வேண்டும். இது எதிர்தாக்குதலில் துப்பாக்கி சூடு வழியாக மரணம் நிகழும் போதெல்லாம் நடத்தப்பட வேண்டும்.

கட்டளை - 5 எதிர் தாக்குதலில் காயம்பட்டு அவர் மருத்துவ மனைக்கு அழைத்துச் செல்லப்பட்டால் அவரிடம் ஒரு வாக்கு மூலம் வாங்கிட வேண்டும். அந்த வாக்கு மூலம் ஒரு நடுவரால் - மாஜிஸ்டிரேட்டால் வாங்கப்பட வேண்டும். அல்லது அவருக்கு சிகிச்சை அளிக்கும் மருத்துவ அதிகாரியால் வாங்கப்பட வேண்டும்.

கட்டளை - 6 முதல் தகவல் அறிக்கை F.I.R நிலைய வழக்கு பதிவேடு [Case Diary] ஆகியவற்றை நீதிமன்றத்திற்கு அனுப்புவதில் தாமதம் ஏதும் இருக்கக்கூடாது. நம்ம ஊரில் இதெல்லாம் நடப்பதில்லை. கொலையை செய்யும் காவல்துறை அதிகாரிகள் கொலைச் செய்யப்பட்ட வர்களின் இல்லங்களில் என் மகன் தானாகவேதான் இறந்தான் என அறிக்கைகள் தயார் செய்து தந்து விடுவது மிகவும் எளிதாக நடக்கிறது. இதில் காவல்துறை அதிகாரிகள், (S.P.. முதல்) தலைமைக் காவல்துறை அதிகாரி முதல் கடைசி காவல்துறை ஏவலர் வரை ஒரே அணியில் செயல்படுகின்றார்கள். தங்களின் முரட்டு அதிகாரத்தைத் தாராளமாகப் பயன்படுத்துகின்றார்கள். ஏழை எளிய மக்களால் இவர்களின் கெடுபிடிகள், கொடூரங்கள் இவற்றைத் தாங்கிட இயலுவதில்லை. ஒரு பையனோடு போகட்டும் என விட்டுவிடு கின்றார்கள்.மேலும் காவல் துறையின் கெடுபிடிகள் தாங்கிட முடியாமல் அவர்கள் காட்டும் இடத்தில் கையப்பம் போட்டுக் கொடுக் கின்றார்கள் மகனைப் பறிகொடுத்த பெற்றோர்கள். இந்த வழி காட்டுதல்கள் வெரும் ஏட்டுச்சுரைக் காயாகத்தான் நாட்டில் நடந்து கொண்டி ருக்கின்றது. இனியும் அப்படியேத்தான் இருக்கும்.

கட்டளை எண் - 7 புலண்விசாரணை முடிந்தவுடன் நீதிமன்றத்தில் அறிக்கையை விரைந்து தந்திட வேண்டும். இது CRPC - 173 இன் கீழ் நடக்க வேண்டும். குற்றப்பத்திரிக்கை தாக்கல் செய்யப்படுமேயானல் விரைந்து விசாரணையை நடத்திட வேண்டும். உச்ச நீதிமன்றம் இதில் புதிதாக ஒன்றையும் பிரஸ்தாபித்து விடவில்லை. ஏற்கனவே நடப்பில் உள்ளவற்றைத்தான் உச்ச நீதிமன்றம் பீற்றித்திடிகின்றது. உச்சநீதி மன்றம் சொன்னாலும் சொல்லாவிட்டாலும் இதுவெல்லாம் இங்கே நடப்பதில்லை.

கட்டளை - 8 எதிர்தாக்குதலில் மரணம் நிகழ்ந்து விட்டால் இறந்தவரின் நெருங்கிய உறவினர்களுக்கு உடனேயே தகவல் சொல்லிட வேண்டும்.

கட்டளை - 9 புலனாய்வுக்குப்பின் தாக்கல் செய்யப்படும் அறிக்கையில் சம்பந்தப்பட்ட காவலர் துப்பாக்கியைப் பயன்படுத்தி யிருக்கின்றார், அவர் குற்றம் புரிந்திருக்கின்றார், என்பன போன்ற தகவல்கள் கிடைத்தால் அவர் மீது உடனேயே வழக்குப் பதிவு செய்திட வேண்டும். அந்த வழக்கை விரைந்து நடத்திட வேண்டும்.

கட்டளை - 10 பாதிக்கப்பட்டவர்களுக்கு இழப்பீடு வழங்குதல் பொருத்தவரை CRPC 357 ஐ உடனேயே பின்பற்றிட வேண்டும். இந்த சுண்டக்காய் இழப்பீட்டை கொலை செய்யும் காவல்துறையின் ' தாதா ' தலைமை காவல்துறை கண்காணிப்பாளர் (SP) யே முடிவு செய்து கிடைப்பதை வாங்கிக்கொள் அல்லாமல் நீங்கள் ஒன்றும் செய்திட இயலாது என்கிறார். இதை இழப்பீட்டை பெற்றுக் கொள்ள அவர்கள் போடும் தாளங்கள் அனைத்திற்கும் ஆடிட வேண்டியதிருக்கின்றது. இந்த அநீதியை  களைந்திட உச்ச நீதிமன்றத்தின் வழிகாட்டுதல் எள்ளளவும் உதவிடவில்லை.

கட்டளை - 11 சம்பந்தப்பட்ட காவல்துறை அதிகாரி, தன்னுடைய ஆயுதத்தையும், அதோடு தொடர் புடைய இதர கருவிகளையும் புலனாய்வு செய்யும் குழுக்களிடம் உடனேயே ஒப்படைக்க வேண்டும். இது அரசியல் நிர்ணயச் சட்டம் பிரிவு 20 - இன் கீழ் நடந்திட வேண்டும். உச்ச நீதிமன்றத்தின் இந்த வழிகாட்டு தலும் வெள்ளறிக் காயில் வெண்ணை தடவியது போல் தான் இருக்கின்றது.

கட்டளை - 12 எதிர்தாக்குதலில் ஈடுபட்டவர்களுக்கு உடனேயே சாகச விருதுகள் அதிரடி பதவி உயர்வுகள் போன்றவற்றை வழங்கிடக் கூடாது. அவர்களின் ' சாகசம் ' சந்தேகங்களுக்கு அப்பால் நிருபிக்கப்படும் வரை இவற்றில் எதையும் வழங்கிடக் கூடாது. உச்ச நீதிமன்றத்தின் இந்தக் அக்கட்டளை முன்னரே செயலுக்கு வந்திருந்தால் ஆயிரக்கணக்கான போலி என்கவுண்டர்கள் தவிர்க்கப் பட்டிருக்கும். பல்லாயிரக் கணக்கான அப்பாவி உயிர்கள் காப்பாற்றப் பட்டிருக்கும். காரணம் அண்மை காலங்களில் நடக்கும் அத்தனை என்கவுண்டர்களும், பணம், பதவி உயர்வு, பதக்கம், ஆகியவற்றிற்காகவே நடத்தப்பட்டன. முதலமைச்சர்கள் முதல் ஜனாதிபதி என்ற குடியரசு தலைவர் வரை ஏமாற்றப்பட்டு வருகின்றார்கள். இந்த விவகாரத்தில்  இனி இப்படி சன்மானங்கள் வழங்கப்பட்டால் உச்ச நீதிமன்றத்தின் இந்தத் தீர்ப்பைக் காட்டி நாம் அவற்றை நிறுத்தலாம். இதனை செய்திட மக்கள் முன்வர வேண்டும்.

கட்டளை - 13 காவல்துறையினர் செய்யும் கொலையால் பாதிக்கப்பட்ட குடும்பத்தின் மேலே சொல்லப்பட்ட இந்த நெறிமுறைகள், பின்பற்றப்படவில்லை, அல்லது அவை தவறாகப் பயன்படுத்தப்படுகின்றன. விசாரணைகள் சுதந்திரமாக இல்லை, இந்த விசாரணையில் சிலர் ஒருதலை பட்சமாக நடந்து கொள்கிறார்கள், என்றால் மாவட்ட  நீதிமன்றத்தில் [மாவட்ட தலைமை நீதிமன்றத்தில்] புகார் மனுவை தாக்கல் செய்யலாம்.  இப்படியரு மனு தாக்கல் செய்யப்படுமேயானால் மாவட்ட நீதிபதி அதனை ஆய்வுக்குட்படுத்தி நிவாரண நடவடிக்கைகளை மேற்கொள்ள வேண்டும்.

இது இப்போது கடைபிடிக்கப்படாத ஒரு நியதி. இதனை செய்திட பொதுமக்களும் சமுதாய அமைப்புகளும் கவனத்தில் கொண்டு நடவடிக்கைகளை மேற் கொண்டிட வேண்டும். நீதிமன்றங்களும். கண்ணை மூடிக் கொண்டு காவல்துறை  சொல்வதையெல்லாம் நம்புவதை நிறுத்திட வேண்டும்.உச்ச நீதிமன்றம் வழங்கியுள்ள இந்த நெறிமுறைகளுக்காக நாம் உச்ச நீதிமன்றத்தைப் பாராட்டிட இயலவில்லை. காரணம் எல்லா என்கவுண்டர்களிலும் கொலையை செய்யும் காவலர் மீது இந்தியத் தண்டனை சட்டம் பிரிவு 302 இன் கீழ் வழக்குப்பதிவு செய்யப்படவேண்டும் என்ற நியதி இங்கே மீண்டும் வலியுறுத்துப் படவில்லை.

காவலர்களைத் தூக்கிலிட வேண்டும். Potlice men involved in encounters should be hanged ] அன்றொரு நாள் இப்படி ஒரு அறிவிப்பைச் செய்தது நமது உச்ச நீதிமன்றம். ஆதாரம் : [The hindu = Tuesday, Aug,9.2011 ] "They are nothing but cold blooded brutal murder"should be treated as the rarest of rare offences, and police pensonnel responsible for it should be awarded death sentense. They should be hanged justice katji said'' (ibid) TH. Aug 9/2011.என்கவுண்டர் என்பவை பட்டப் பகலில் நடக்கும் குரூர கொலைகள் அல்லாமல் வேறொன்றுமில்லை. இந்த குற்றங்களை அரிதானவற்றிலும் அரிதானவை என எடுத்துக் கொள்ள வேண்டும். இதற்குப் பொருப்பான காவலர்களுக்கு மரண தண்டனை வழங்கிட வேண்டும். அவர்களைத் தூக்கிலிட வேண்டும். இந்த காரமும் கசப்பும் உச்ச நீதிமன்றத்தின் இப்போதைய பரிந்துரையில் இல்லை. – எம்.ஜி.எம்.

நேருவைத்தான் கொன்றிருக்க வேண்டும்!

நேருவைத்தான் கொன்றிருக்க வேண்டும்! காந்தியைக் கொன்றதற்கு பதிலாக என்றொரு கூப்பாடு கொலைகார பாசிச பரிவாரத்திடமிருந்து வந்தது நாட்டில் பரபரப்பை ஏற்படுத்தியது. [ ஆர்.எஸ்.எஸ் இன் ' கேசரி '. பி. கோபால கிருஷ்ணன் கட்டுரை ]அடுத்து காந்திஜியின் பிறந்த நாளான அக்டோபர் 2ஆம் நாளைப் பின்னுக்குத் தள்ளி வல்லபாய் பட்டேலை உயர்த்திப்பிடிக்கும் பேதமைக்கு வெண்சாமரம் வீசப்படுகிறது.காந்தியை கொண்டாடுவதில் மோடி வகையராக்களுக்கு சில சங்கடங்கள் உண்டு. காரணம் காந்தியைக் கொன்றது இந்த பாசிச பரிவாரம்தான். இதனை கோட்சேயின் சகோதரர் கோபால் கோட்சே பெருமையோடு ஏற்றுக் கொள்கிறார்.நேரு நாள் தொட்டே காந்திஜி பிறந்த நாளுக்கு தரப்படும் விடுமுறைகளும் விழாக்களும் காந்தியின் உயிர் பறிக்கப்பட்ட ஜனவரி 30 க்குத் தரப்படவில்லை. மெல்ல மெல்ல காந்திஜியைக் கொலை செய்த நாதுராம் கோட்சேக்கு இந்திய நாட்டின் உயரிய விருதாக கருதப்படும் ' பாரத ரத்னா ' விருதை வழங்கும் காலம் வரலாம். இதை நாடாளுமன்றத்தில் எம்.ஐ.எம் கட்சியைச் சார்ந்த அக்பருதீன் உவைசி கூறினார்.ஜன நாயகத்தின் பலவீனங்கள் அனைத்தையும் ஒட்டுமொத்தமாக பயன்படுத்தி ஏற்பட்ட விபத்தில் பிரதமர் இருக்கையில் இருக்கும் மோடிக்கோ அந்த பாசிச வகையறாவுக்கோ ஆங்கிலேயர்களுக்கு எதிராக நடந்த விடுதலைப் போரில் எள் மூக்கின் முனை அளவு கூட பங்கில்லை.அதே நேரத்தில் இவர்களுக்கு நேர் எதிரான ஒரு வரலாறு உண்டு. இந்திய சுதந்திர விடுதலைப் போரில் தங்களைத் தந்த மழவர்களைக் காட்டிக் கொடுத்த வரலாறுதான் அது. - இதில் 1941 இவர்களின் முன்னோடியின் வாஜ்பாய்க்கே ஒரு வரலாறு உண்டு. [ இதனை நாம் நமது எழுத்துக்களில் பெருமளவில் சுட்டிக்காட்டி இருக் கின்றோம்.]அதே போல இவர்களுக்கு பிரிதொரு வரலாறும் உண்டு. அது ஆங்கிலேயர்களிடம் அடிக்கடி மன்னிப்புக் கேட்ட வரலாறு. இவர்களின் குரு. சாவர்கர் ஆங்கிலேயர்களுக்கு எழுதிய கடிதங்களே இதற்கு சாட்சி! அந்தமான் சிறையிலிருந்து அவர் ஆங்கிலேயர்களுக்கு எழுதிய கருணை மனுவில் ஆங்கிலேயர்களை இப்படி விழித்திருந்தார், ' ' The Mighty And Merciful ' [ பலமும் கருணையும் பொருந்திய ஆங்கிலேயர்களாம் ] சில மதங்களின் பக்தர்கள் தங்களின் இறைவனைத்தான் இப்படி விளித்து மன்றாடுவார்கல். ஆதாரம் சாவர்கரின் கருணை கோரும் மனு நவம்பர் 24, 1913.

இந்த சாவர்கரைப் பற்றி சுப்ராஜ் சன் தாஸ் குப்தா என்பவர் இப்படி பதிவு செய்கின்றார் : ' Veer Savarkar did. And by addressing the Colonial Oppressor as mighty and merciful, he initiated the RSS tradition of abject co - operation with the British ' அதாவது [ ஏனைய கைதிகள் செய்யாதவற்றை சாவர்கர் செய்தார். காலணியாதிக்க அடக்குமுறையாளர்களை பலமும், கருணையும் மிக்கவர்கள் என அழைத்து ஆங்கிலேயர்களுடன் கண்ணை மூடிக்கொண்டு ஒத்துழைக்கும் ஒரு பாரம்பரியத்தை தொடங்கி வைத்தார். ]{ Source : Andaman and The Origins Of Hindutuva (as Quoted in Savarkar And Hindutuva by A.G.Noorani. Pages : 48,49}

இதற்கு நேர் எதிரான ஒரு வரலாறு.

இந்திய விடுதலைப் போரில் கலந்துக் கொண்டதற்காக இஸ்லாமிய மார்க்க அறிஞர் மௌலானா யஹ்யா அலீ, முஹம்மது ஜாஃபர் தானிசாரி, முஹம்மது ஷாஃபிகூரி, ஆகியோர் கைது செய்யப்பட்டு மரண தண்டனை தரப்பட்டார்கள். 

மரண தண்டனையை வழங்கிய நீதிபதி அவர்கள் இப்படிக் குறிப்பிட்டார்கள் : You all will be hanged till death. Your Properties will be confiscated and your corpses will not be handed over to your relatives, instead you will be buried contemptuously in the jail compound' [ நீங்கள் அனைவரும் சாகும் வரை தூக்கிலிடப்படுவீர்கள். உங்களுடைய சொத்துக்கள் பறிமுதல் செய்யப்படும். உங்களுடைய உடல்கள் உங்களுடைய குடும்பத்தினரிடம் ஒப்படைக்கப்படமாட்டாது. மாறாக உங்களுடைய உடல்கள் கண்டனங்களுடன் சிறையின் வளாகத்தில் புதைக்கப்படும். ] 

இத்தனையையும் செவிமடுத்த அந்த ஆலிம்கள் கண்ணீர் சிந்தவில்லை. கருணை கடாட்சம் வேண்டி கடிதம் எழுதவில்லை. மாறாக ஆனந்தமடைந்தார்கள். சந்தோஷப்பட்டார்கள். தங்களுக்கு கிடைக்கும் மரண தண்டனை மரணத்திற்கு பின் வரும் வாழ்க்கையில் சொர்கத்தை பெற்றுத்தரும் என்பதால். மரண தண்டனையை அவர்கள் கொண்டாடத் தலைப்பட்டுவிட்டார்கள். ஏனெனில் சொர்கத்தின் நேரடி நுழைவுச் சீட்டு அவர்களின் கையில் கிடைத்து விட்டது. 

இதனை அறிந்துதான் ஆங்கில நீதிபதி தனது தீர்ப்பை இப்படி எழுதினான் :' You rejoice over the sentence of death and you look upon it as martyrdom. The government therefore have decided not to award you the punishment you like so much. The death sentence passed against you has been changed to that of transportation for life ' [ நீங்கள் மரண தண்டனை பெற்றதால் மகிழ்ச்சி அடைகின்றீர்கள். நீங்கள் அதனை வீர மரணம் என எடுத்துக் கொள்கிறீர்கள். அதனால் நீங்கள் அதிகமாக மகிழும் இந்த மரண தண்டனையை உங்களுக்கு வழங்குவதில்லை என முடிவு செய்து உங்களது தண்டனை ஆயுள் தண்டனையாக மாற்றப்படுகின்றது. ]{ Source : Role Of Muslims In The Struggle For Freedom (Muslims In India. Pages : 112,113.)}

பின்னர் இவர்களும் இவர்களுடன் விடுதலைப் போரில் கலந்துக் கொண்ட ஏராளமான முஸ்லிம்களும் அந்தமான் சிறைக்கு அனுப்பப்பட்டார்கள். அவர்களின் மரணமும் அங்கேயேதான் நிகழ்ந்தது. இதுபோன்ற எண்ணற்ற முஸ்லிம்கள் எந்த நினைவுச் சின்னங்களையும், சிலைகளையும், பாராட்டுக்களையும் எதிர்பார்க்கவில்லை. அவர்கள் தங்கள் இறைவனிடம் கிடைக்கும் நற்கூலிகளையே நாடி நின்றார்கள். எந்த ஒரு எதிர்ப்பார்ப்பும் இல்லாமல் தங்களை விடுதலைக்காகத் தந்தார்கள்.

ஆனால் இது காட்டிக் கொடுத்த கலகக்காரர்களின் காலமாய்ப் போனது. இந்த நிலை மாற்றப்படவேண்டும்.இன்னொரு வரலாறும் இங்கே உண்டு அது இந்திய மக்களை மதமாச்சர்யம், மனமாச்சர்யம் ஆகியவற்றிற்கு அப்பால் நின்று ஒன்றிணைத்து ஒருமுகப்படுத்திய பெருமை பகதூர் ஜா ஷாஃபர் அவர்களுக்கு உண்டு. அவர்கள்தாம் 1857 இல் எல்லா இந்திய குடிமக்களையும் ஒன்று திரட்டி முதல் விடுதலைப் போரை நடத்திக் காட்டினார்கள்.

அந்த தலைமை இங்கே வந்தால்தான் நிலைமை மாறும். எல்லா மக்களும் தங்களின் மத மாச்சர்யங்களுக்கு அப்பால் நின்று வாழ்வார்கள் - வாழவைப்பார்கள்.இன்ஷா அல்லாஹ் இவர்களை வழி நடத்திய இஸ்லாம் இங்கு நிலை நாட்டப்படும் வரை நமது கொள்கை பயணங்கள் தொடரும்.....

நூஹூக்கு எதனை அவன் உபதேசித்தானோ அதனையே உங்களுக்கும் அவன் மார்க்கமாக்கியிருக்கின்றான், ஆகவே (நபியே!) நாம் உமக்கு வஹீ மூலம் அறிவிப்பதும் இப்றாஹீமுக்கும் மூஸாவுக்கும் ஈஸாவுக்கும் நாம் உபதேசித்ததும் என்னவென்றால்: '' நீங்கள் (அனைவரும்) சன்மார்க்கத்தை நிலை நிறுத்துங்கள் நீங்கள் அதில் பிரிந்து விடாதீர்கள் '' என்பதே! இணை வைப்போரை நீங்கள் எதன் பக்கம் அழைக்கின்றீர்களோ அது அவர்களுக்குப் பெரும் சுமையாகத் தெரிகிறது தான் நாடியவர்களை அல்லாஹ் தன் பால் தேர்ந்தெடுத்துக் கொள்கிறான் (அவனை) முன்னோக்குபவரை அவன் தன் பால் நேர்வழி காட்டுகிறான்.